BIBLIAPI TIYAJ VALISHCA YUYAICUNA | JOB 38-42
Shujtajcunamanta mañajpica Jehová Diosca cushicunmi
Jobtaca Elifazmanta, Bildadmanta, Zofarmantapish mañachunmi Diosca mañarca
42:7-10
-
Jehová Diosca Elifaz, Bildad, Zofartaca Diosman ofrendata rupachishpa cuchunmi Jobpajman richun mandarca.
-
Cai quimsa runacunamantami Jobca Diosta mañana carca.
-
Job paicunamanta mañashca qˈuipami Jehová Diosca paita bendiciarca.
Jobca tucui shunguhuan Diospi crishcamanta, tucuipi cazushcamantami Diosca achcata bendiciarca
42:10-17
-
Jehová Diosca tucui llaquicunatapish ungüicunatapishmi Jobmanta anchuchirca.
-
Jobpaj familiacunapish, amigocunapish paipaj llaquicunamanta llaquirishpami cushichircacuna.
-
Jehová Dios bendiciashcamantami Jobca ñaupa charishcacunatapish yalli charirca.
-
Jobca shujtaj 10 huahuacunatami charirca.
-
Jobca 140 huatacunahuanmi causarca. Paipaj chuscu huahua huahuacunacamami rijsirca.
