Diosca israelitacunataca ñuca cusha nishca allpaman yaicushpaca ñuca mana munashca ruraicunatami anchuchina canguichij nishpami mandarca (Nú 33:52; w10 1/8 pág. 23).

Israelitacunataca tucui Canaán llajtata japichunmi Jehová Diosca bendiciarca (Nú 33:53).

Israelitacunaca paicunapaj contracunata mana anchuchishpaca llaquicunatami charina carca (Nú 33:55, 56; w08 15/2 pág. 27 párrs. 5, 6; it-1 pág. 410 párr. 4).

Diospaj ñaupajpi alli ricuringapajca Dios mana munashca ruraicunatami ñucanchij causaimanta anchuchina canchij (Snt 1:21). Cai millai mundopaj ruraicunapi ama chagrurichunmi Jehová Diosca fuerzata cushpa ayudanga.