Cushicuihuan yachachijpica gentecunaca ñucanchijta uyanatami munangacuna. Ima yachachishcapish valishca cashcatami cuentata cungacuna. Ima culturamanta cashpapish o manchaita charishpapish cushicuihuan yachachingapajmi esforzarina canchij (Ro 12:11). ¿Cushilla yachachingapajca imatataj rurana canchij?

Puntapica, Jehová Dios cushca huillaicunata predicana valishca cashcatami yuyarina canchij (Ro 10:15). Ishquipica, gentecuna Yayitu Diosmanta yachanata minishtishcatami yuyarina canchij. Paicunaca Diosmanta yachashpaca cushilla causaitami charingacuna (Ro 10:13, 14). Quimsapica, cushilla ñahuihuan alajata yachachingapajmi esforzarina canchij.

JESUSTA CATIJCUNA TUCUCHUN AYUDASHPA CUSHICUSHUNCHIJ. ALLI YACHACHIJCUNA CASHUNCHIJ: CUSHICUIHUAN YACHACHISHPA NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Ritaca imamantataj Coralmanca ña mana cushicuihuan yachachishpa catirca?

• ¿Ritaca cutin cushilla yachachingapajca imatataj rurarca?

• ¿Imamantataj yachacujcunapaj alli ruraicunata ricuna canchij?

• ¿Bibliamanta cushicuihuan yachachijpica gentecunaca ima shinataj sintiringacuna?