Jesusca gentecunamanca chai tiempopi imalla pasashcamanta parlashpami huillarca (Lu 13:​1-5). Ñucanchijpish imalla pasashcamanta parlai callarishpaca gentecunamanmi Diosmanta huillai tucunchij. Por ejemplo, mantiniringapaj sinchita trabajana cashcamanta, shuj terremoto o jatun acapana tiyashcamanta, protestacuna tiyashcamanta, gentecuna drogarina viciopi urmashcamanta o shujtaj temacunamantami parlai tucunchij. Chai huashaca: “¿Cai ­llaquica shuj punlla tucuringachu? ¿O cai laya ­llaquicuna tucurichunca imatataj minishtinchij?” nishpami tapui tucunchij. Qꞌuipaca Biblia ima nishcata ricuchishunchij. Huasiyuj ashtahuan yachasha nijpicarin shuj videotami ricuchi tucunchij o shuj publicaciontami saqui tu­cunchij. Gentecuna, Dios cushca alli huillai­cunata uyana munaita charichunca tucui layata rurashpa huillangapaj esforzarishunchij (1Co 9:​22, 23).

¿Ñucanchij causan ladopi gentecunaca ima temamantataj ashtahuan yachasha nincuna?