Huillanaman llujshingapajca siempremi shuj tandanacuita ruranchij. Chai tandanacuipish congregacionpi tandanacuicuna layallatajmi valishca can. Chaipimi caishujmanta chaishujmanta animanacunchij (Heb 10:24, 25). Huillanaman llujshina tandanacuitaca 5 o 7 minutollatami demorana can. Chai minutocunallapimi arreglocunata, maipi predicanata, Yayitu Diosta mañanata rurana can tandanacushca qꞌuipa huillanaman grupota llujchicushpacarin ashalla minutocunatami demorana can. Huillanata llujchij huauquica huauqui panicuna chai punllapaj alaja yuyaicunahuan yachachichunmi ayudana can. Por ejemplo, achca huauqui panicunaca lunes a viernes mana predicanaman llujshi tucushcamantami sabadocunapi llujshincuna. Chaipica chai punllapi ima shinalla predicanata yachachi. ¿Huillana grupota pushacushpaca imacunallamantataj yachachina can?

• Tandanacuipi yachana pꞌangapi tiyaj parlanacungapaj yuyaicunatami utilizachun yachachi tucun.

• Recienlla llujshishca noticiata o ima tucushcata parlashpa predicachunmi yachachi tucun.

• Huasiyuj ima jarcaicunata churajpipish predicashpa catingapaj imata ruranatami yachachi tucun.

• Diospi mana crijhuan tupashpa, shujtaj shimita parlajhuan tupashpa, evolucionpi crijhuan tupashpa, shujtaj religionta charijhuan tupashpaca ima shina huillashpa catinatami yachachi tucun.

• JW.ORG paginahuan, JW Library^® aplicacionhuan, Bibliahuan ima shina predicanatami yachachi tucun.

• Huillangapaj agllashca shuj publicacionta saquichunmi yachachi tucun.

• Huauqui panicuna telefonomanta cayashpa predicachun, cartacunata quillcachun, carritocunahuan predicachun, cutin visitachun, estudiota cuchunmi alajata huillachun yachachi tucun.

• Causaita ima shina cuidanamanta, ima shina alli cualidadcunata charinamanta, cushilla huillanamanta, shujtaj alli yuyaicunamantapishmi yachachi tucun.

• Alajata liyij alli yachachij cai nishca folletohuan o videohuanmi predicachun yachachi tucun.

• Huillanaman ishquindij llujshishpaca compañerota ima shina animachunmi yachachi tucun.

• Bibliamanta shuj versota o shuj animaj experienciatami huillanapi animachun yachachi tucun.