¿IMAMANTATAJ MINISHTIRISHCA CAN? Maipica mana huasin huasin predicai tucunchijchu. Chaimantami telefonohuan predicanaca alli can (Hch 20:24). *

¿IMATATAJ RURANA CANGUI?

• Allichiri. Puntaca gentecuna munashca yuyaita agllai. Qꞌuipaca chai yuyaimanta ima shina predicanata quillcai. Shinallataj huasiyuj mana contestajpi shuj mensajeta saquichun nishca cajpica imata ninata allichiri. Telefonohuan huillangapajca cambaj mesapimi anotashca hojata, publicacioncunata charina cangui. Cambaj celularpi o tabletpica JW Library^® aplicacionta o jw.org^® paginatami pascashca charina cangui.

• Tranquilo cai. Huasiyujmanca paita ricucushca laya cushilla, sumajta parlai. Ama deganalla upalla saquiringuichu. Shujtaj huauqui o pani canta acompañachun mañai. Huasiyuj ima tapuita rurajpica chai tapuita sinchita repiti. Chaimi cambaj compañeropish respuestata mashcashpa ayudanga.

• Cutin parlanacungapaj caita rurai. Huasiyuj ashtahuan yachasha nijpica cutin parlanacungapaj shuj tapuita saqui. Shuj publicacionta saquisha nishpaca correopi, internetpimi cachai tucungui o canllatajmi huasipi saquinaman ri tucungui. Shinallataj shuj videota, shuj yachaitami mensajepi o correopi cachai tucungui. JW.ORG paginamanpish yaicuchunmi animai tucungui.