JESÚS SHINA CAUSASHUNCHIJ
Cꞌuyaita charishpaca Jesusta catijcuna cashcatami ricuchishun: Mana llulla cashcallapi cushicushunchij
¿IMAMANTATAJ MINISHTIRISHCA CAN? Dios imata rurana cashcataca Jesús shinami mana llullashpa yachachinchij (Jn 18:37). Cai pachapi causaj gentecunaca llullashpa, llaquichishpami causancuna. Chashna cajpipish imapish mana llulla cajllapimi cushicuna canchij, mana llullatami parlana, yuyanapish canchij (1Co 13:6; Flp 4:8).
¿IMA SHINATAJ PAJTACHI TUCUNCHIJ?
-
Shujtajcunamanta mana allita nijpica mana uyanachu canchij (1Te 4:11).
-
Shujtajcuna llaquipi cajpica mana contentarinachu canchij.
-
Alli ruraicunapi yuyashpami shujtajcunata animana canchij.
CAISHUJ CHAISHUJHUAN CꞌUYANACUSHUNCHIJ: CꞌUYAITA CHARIJCA CASHCATA MANA RURAJPICA MANA CUSHICUNCHU, CHAIPAJ RANDICA IMAPISH MANA LLULLA CAJPIMI CUSHICUN VIDEOTA RICUSHCA QꞌUIPA CAI TAPUICUNATA CUTICHI:
-
¿Cashcata mana rurajpi cushicushcataca Martaca ima shinataj ricuchirca?
-
¿Alli ruraicunamanta parlangapajca Aliciaca imatataj rurarca?
-
¿Ima alli ruraicunamantataj parlai tucunchij?
Cashcata mana rurajpi cushicunapaj randica mana llullahuan cushicushunchij.