JESÚS SHINA CAUSASHUNCHIJ
¿Shuj huahua cajpica?
Huillacujpi huasimanta shuj huahua llujshijpica “¿cambaj yaya mamaca huasipichu can?” nishpami tapuna canchij. Shinami yaya mamata respetashcata ricuchishun (Pr 6:20). Huasiman huahua yaicuchisha nijpica mana yaicunachu canchij. Yaya mama mana huasipi cajpica shujtaj punllami tigrana canchij.
Ña jatun huambra cajpipish, “¿cambaj yaya mamaca huasipichu can?” nishpami tapuna canchij. Mana huasipi cajpica “¿paicunaca imatapish japichun saquinllachu?” nishpami tapuna canchij. ¡Ari! nijpica shuj publicacionta saquishpami “jw.org paginaman yaicungui” nina canchij.
Shujtaj punlla visitanaman tigrashpaca “cambaj yaya mamatami rijsisha ninchij” ninami canchij. Chashnami yaya mamaman imamanta visitacushcata, Bibliapi alli yachaicuna familiacunapaj tiyashcatapish parlai tucushun (Sl 119:86, 138). Yaya mamaca, ñucanchij paicunata respetajta ricushpami shujtaj punlla huillacujpica familiacunaman Bibliamanta yachachichun saquinga (1Pe 2:12).