7-13 de octubre
SALMOS 92-95
Canto 84, mañaipish | Callari shimicuna (1 min.)
1. Jehová Diosta sirvishpallami cushilla causashun
(10 mins.)
Jehová Diosllatami adorana canchij (Sl 92:1, 4; w18.04 pág. 28 párr. 5).
Jehová Diosca paita sirvijcunataca allita rurachun, cushilla causachunmi ayudan (Sl 92:5; w18.11 pág. 23 párr. 8).
Jehová Diosca mayorlla huauqui panicunapaj esfuerzocunataca achcatami valoran (Sl 92:12-15; w20.01 pág. 19 párr. 18).
CASHNA TAPURI: “¿Imamantataj Jehová Diosman mingarishpa manaraj bautizarishcani?”.
2. Bibliapi curita mashcaj shina mashcashunchij
(10 mins.)
-
Sl 92:5. ¿Cai versopi nishca shinaca Jehová Diospaj yachaica ima shinataj can? (cl-S pág. 176 párr. 18).
-
¿Cai semanapi Bibliata liyicushpaca ima sumaj yuyaicunatataj tarishcangui?
3. Bibliata liyishunchij
(4 mins.) Sl 94:1-17 (th yachai 5).
4. Parlanacushpa callari
(4 mins.) MAIPI CASHPAPISH. Parlanacucushpaca Bibliamanta yachachij cashcata ningapaj shuj oportunidadta mashcai (lmd yachai 5 punto 3).
5. Revisitacunata rurai
(3 mins.) MAIPI CASHPAPISH. Ñaupa tiempopi Bibliata mana estudiasha nijta Bibliata estudiachun cutin animai (lmd yachai 8 punto 4).
6. Discipulocunata rurai
(5 mins.) Cambiocunata mana rurasha nij estudiantehuan parlanacui (lmd yachai 12 punto 5).
Canto 5
7. Yallitaj llaquilla caj jovencunata ayudashunchij
(15 mins.) Parlanacushpa yachachi.
Jehová Diosta sirvishpapish huaquinpica yallitaj llaquillami sintiri tucunchij. Por ejemplo, Davidca huaquinpica yallitaj llaquillami sintirij carca. Cunan punllapish achca huauqui panicunaca chashnami sintirincuna (Sl 13:2; 139:23). Jovencunapishmi huaquinpica llaquilla sintirincuna. Chaimantami paicunapajca escuelaman, colegioman, tandanacuicunaman rina o shujtaj ruraicunata ruranaca sinchi can. Huaquinpicarin yallitaj sustarishca cashcamantami ataques de ansiedadta charincuna. Cutin shujtaj jovencunaca huañunatami yuyancuna.
Joven, canpish chashna sintirishpaca cambaj yaya mamapaj, Diosta alli sirvij huauqui o panipaj ayudatami mashcana cangui. Ashtahuancarin Jehová Diospaj ayudatami mañana cangui (Flp 4:6). Paica canta ayudangapajmi listo can (Sl 94:17-19; Is 41:10). Huauqui Steingpaj ejemplota ricushun.
Jehovami ñucata ayudashca nishca VIDEOTA churai. Qꞌuipaca cai catij tapuicunata rurai:
• ¿Huauqui Steingtaca ima versotaj ayudarca? ¿Chai versoca ima shinataj ayudarca?
• ¿Jehová Diosca paitaca ima shinataj cuidarca?
Yaya mamacuna, cancunapaj huahuacuna ama yallitaj llaquilla sintirichunmi ayudana canguichij. Chaipajca paicunataca pacienciahuanmi uyana canguichij, paicunata cꞌuyashcatapishmi ricuchina canguichij. Shinallataj Jehová Dios paicunata cꞌuyashcata crichunmi ayudana canguichij (Tit 2:4; Snt 1:19). Cambaj huahuacunata ayudashpa catichunmi Jehová Diosca fuerzata cunga.
Congregacionpi maijan huauqui o pani ansiedad ungüita charishcataca manachari cuentata cushun. O chai ungüita charishcata yachashpapish paicuna ima shina sintirishcata intindinaca sinchichari canga. Shinapish paicunata cꞌuyashpa, paicunata valorashcata ricuchishpami ayudai tucunchij (Pr 12:25; Heb 10:24).
8. Tandanacushcacunahuan Bibliata yachashun
(30 mins.) bt yachai 16 párrs. 6-9, pág. 132-pi tiyaj recuadropish.
