¿Cancunapaj huahuacunamanca ima valishca regalotataj cusha ninguichij? Huahuacunaca cꞌuyachun, yachachichun, cuidachunmi minishtin. Shinapish Jehová Diosmanta yachachina, Bibliamanta yachachinami ashtahuan valishca regalo can (Juan 17:3). Chaicunata yachashpami huahuacunaca uchillamantapacha Jehová Diosta cꞌuyanga, paillata servingacuna (Mateo 21:16).

Achca yaya mamacunami huahuacunahuan parlanacushpa, asha asha yachachina alli cashcata ricushca. Chaimantami Bibliamanta yachashpa callarigrini nishca folletota cushicushpa rurashcanchij. Cai folletoca cancunapaj huahuacunata jahualla yachachichunmi ayudanga. Dibujocunapish, Bibliamanta versocunapish quimsa huatata o manaraj quimsa huatata charij huahuacunapajmi can. Shinallataj yaya mamacunapaj nishca shuj ayudami tiyan. Cai folletoca mana pujllangapajchu. Ashtahuanpish yaya mamacuna huahuacunahuan tandalla rezashpa ashtahuan parlanacuchunmi can.

Cai folletoca cancunapaj huahuacunata uchillamantapacha Bibliamanta yachachichunmi ayudanga (2 Timoteo 3:​14, 15).

Tucui shunguhuan,

Testigo de Jehovacunapaj Cuerpo Gobernante