Bibliamanta yachashpa callarishunchij
Bibliaca Dios huillashca alli huillaicunatami gentecunapaj charin. Chaimantami Diospaj Shimi ninchij. Diospaj ñaupajpi alli ricuringapaj, cushilla causangapajpish imata rurana cashcatami yachachin, shinallataj cai minishtirishca tapuicunatapish cutichinmi:
BIBLIAPI VERSOCUNATA CASHNA MASHCAI
Bibliaca 66 librocunatami charin. Ishquipi chaupishcami can: Ñaupa Testamentoca Hebreo, Arameo shimipimi, cutin Mushuj Testamentoca Griego shimipimi can. Bibliapaj librocunaca capitulocunatami charin, chai capitulocunaca versocunatami charin. Puntapica libropaj shutimi ricurin, ishquipica capitulota ricuchij numeromi ricurin, quimsapica shuj o huaquin versocunata ricuchij numerocunami ricurin. Ejemplo, Génesis 1:1-ca nisha ninmi: Génesis capítulo 1, verso 1.