“Yuyu calditollata micushpapish, cꞌuyanacushpa causanamari alli. Ashtahuanpish huirayashca huagra aicha cusashcallata micushpapish, pꞌiñanacushpalla causashpaca ima allitaj cangari.”

(Proverbios 15:17)

“Ñucaca Mandaj Diosmi cani. Cambaj allipaj yachachij cambaj Diosmi cani. Can catina ñanta yachachij Diosmi cani.”

(Isaías 48:17)

“Quillcachishcapica: ‘Runaca mana tandallahuan causangachu. Ashtahuanpish Taita Diospaj shimimanta llujshishca shimihuanmi causanga’ nirca.”

(Mateo 4:4)

“‘Can quiquinta shinallataj shujtajcunatapish cꞌuyangui’”.

(Mateo 22:39)

“Ima shinami shujtajcunataca cancunapaj allita rurachun munanguichij, chashnallataj cancunapish shujtajcunapaj allita ruraichij.”

(Lucas 6:31)

 “¡Diospaj Shimita uyashpa cazujcunami, ashtahuan cushichishcacuna!”

(Lucas 11:28)

“Achcata charishcacunaca mana causaita cunchu”.

(Lucas 12:15)

“Chaimanta micunata, churanatapish charishpaca, chaillahuan ña cushi cashunchij.”

(1 Timoteo 6:8)

“‘Imatapish cujmi, cushcata japijta yalli cushicun’”.

(Hechos 20:35)