TAPUI 18
¿Ima shinataj Diospajman ashtahuan cꞌuchuyai tucunchij?
“Quiquinca mañashcata uyanguimi. Tucuicunami quiquinpajmanca shamungacuna.”
(Salmo 65:2)
“Mandaj Diospi cambaj tucui shunguta churangui. Ama can alli yuyaiyuj cashcallapi shunguta churanguichu. Imata rurangapajpish, Diosta yuyaipi charingui. Paimi cantaca alli ñanta pushanga.”
(Proverbios 3:5, 6)
“Huiñai causaita charinaca cashnami: Diostajca canlla cashcata rijsinami, Jesucristopish can cachashca cashcata crinami.”
(Juan 17:3, QC, 1989)
“Taita Diosca ñucanchijmantaca mana carupichu.”
“Diosta mañacushpaca caitami mañani: Cancunapaj cꞌuyaica yachaipi, entendinapipish ashtahuan ashtahuan yallitaj mirarichun.”
“Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.”
“Diosman cꞌuchuyaichij, paipish cancunapajman cꞌuchuyangami. Juchayujcuna, maquicunata pꞌicharichij. Ishqui yuyaiyujcunapish, cancunapaj shungucunata chuyayachichij.”
“Diosta cꞌuyacushcataca pai mandashcacunata cazushpami ricuchina. Pai mandashcacunata cazunaca mana sinchichu.”