TAPUI 10
¿Shamuj punllacunapajca imatataj Bibliaca huillan?
“Allita rurajcunallami cai llajtapica causangacuna. Ima pandata mana rurajcunallami cai allpamantaca mana chingaringacuna.”
(Proverbios 2:21)
“Paimi cai pachatapish callari rumicuna jahuapi sinchita churarca. Nunca pi mana cuyuchingachu.”
(Salmo 104:5)
“Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga.”
(Isaías 25:8)
“Ñahui mana ricujcunapaj ñahuicunatapish pascashcami canga. Mana uyajcunapaj rinrincunatapish pascashcami canga. Cojocunapish taruga shinami saltangacuna. Mana rimajpaj cꞌallupish cantacungami. Shitashca pambacunapi allashpami yacuta llujshichinga. Shitashca pambapimari yacucuna callpacunga.”
(Isaías 35:5, 6)
“Diosca paicunapaj ñahuicunamantaca, tucui huiquitami pꞌichanga. Ñaupa tucui imalla tiyajcunaca, ña mana tiyashcamanta huañuipish, huacaipish, llaquipish, nanaipish ña mana ashtahuan tiyangachu”.
“Huasicunatami shayachingacuna. Chaipimi causangacuna. Uvacunatami tarpungacuna. Chaipi pꞌucushcacunatami micungacuna. Shujtajcuna causachunllaca mana huasichingachu. Shujtajcuna micuchunllaca mana tarpungacunachu. Ñuca agllashcacunaca yuracuna shina unitamari causangacuna. Ñuca agllashcacunaca paicuna trabajashcahuanca paicunallatajmi cushicungacuna.”
(Isaías 65:21, 22)