“Cunanca canhuan, huarmihuanca pꞌiñanacuipimi churani. Cambaj huahua huahuacunahuanpish, huarmipaj huahua huahuacunahuanpish pꞌiñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui”.

(Génesis 3:15)

“Ñuca mandashcata can cazushcamantami, cambaj huahua huahuamantaca tucui cai pachapi causajcunapish alli nishca cangacuna”.

(Génesis 22:18)

“Can mandana punlla ña chayamuchun. Ima shinami jahua pachapi can munashcata ruracun, shinallataj cai pachapipish can munashcata rurachun.”

(Mateo 6:10)

“Taita Diosca, Satanastaca cancunapaj chaqui ucupimi saruchun ñalla churanga.”

(Romanos 16:20)

“Tucui ima tiyajta Cristopaj ucupi churashca qꞌuipaca, tucuita churaj Diospaj ñaupajpica paipaj Churillatajmi cumuringa. Chashnami Diosca tucuipi, tucuicunata mandanga.”

(1 Corintios 15:28)

 ‘Abrahamman, paipaj huahua huahuacunaman Diosca cusha nirca. Chaica Cristomi. Cancunaca Cristopaj cashpaca, Abrahampaj huahua huahuacunatajmi canguichij.’

(Gálatas 3:16, 29)

“‘Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga’”.

(Apocalipsis 11:15)

“Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo Satanás shutipishmi. Paica, allpa pachapi causajcunata humajmi. Paitami tucui millai angelcunandij allpa pachaman shitarca.”

(Apocalipsis 12:9)

‘Dragón nishca ñaupa culebra, diablo, Satanastaca japishpa huaranga huatapajmi huatarca.’

(Apocalipsis 20:2)