¿Bibliaca imataj can?
¿Bibliaca...
-
... gentecunapaj yuyaichu?
-
... yanga parlocunachu?
-
... Diospaj Shimichu?
BIBLIACA NINMI
‘Dios Quillcachishcacunaca Diosllataj yuyaita cushpa quillcachishcami’ (2 Timoteo 3:16, Biblia en Quichua Chimborazo, 1989).
CAITA CRINACA ¿IMA SHINATAJ AYUDAN?
Bibliaca gentecuna yachasha nishca tapuicunatami cutichin (Proverbios 2:1-5).
Alli causachunmi yachachin (Salmo 119:105).
Shamuj punllacunapi alli causai tiyanatami yachachin (Romanos 15:4).
¿BIBLIA YACHACHISHCATA CRINACHU CANCHIJ?
Quimsa yuyaicunata ricushun:
-
Mana pandarinchu. Bibliataca 40 cꞌaricunami 1.600 huatacunapi quillcarca. Quillcajcunapura mana rijsinacushpapish, Bibliata quillcashpaca mana pandarishpami shujlla yuyaita quillcarcacuna.
-
Mana imata pacanchu. Historiata quillcajcunaca paicunapaj llajta pandarishcataca mana quillcanchu. Cutin Bibliata quillcajcunaca paicunapish, paicunapaj llajtapish pandarishcataca quillcashcacunami (2 Crónicas 36:15, 16; Salmo 51:1-4).
-
Ima tucunatami huillan. Bibliaca 200 huatacuna illajpirajmi Babilonia llajta tucurinata ña huillarca (Isaías 13:17-22). Babilonia llajtata pi tucuchinata, ima shina tucuchinatapishmi Bibliaca huillarca (Isaías 45:1-3).
Bibliaca achca cutinmi ima tucunata huillashca. Chaicunaca tucuimi pajtarishca. Diospaj Shimi cashcamantami chashna pajtarishca (2 Pedro 1:21).
CASHNA TAPURI
¿Ima shinataj Diospaj Shimica ñucata ayudan?
Cai versocunata mashcai ISAÍAS 48:17, 18; 2 TIMOTEO 3:16, 17.
Caitapish yachai
BIBLIAMANTA TAPUICUNA
¿Bibliata intindingapajca imataj minishtirin?
Dios quillcashcacunamantaca tucuicunami yachai tucunchij.
BIBLIAMANTA TAPUICUNA
¿Profeciacunaca imataj can?
¿Tucui profeciacunachu qꞌuipa punllacunapi ima tucuna cashcata ricuchin? Mana.
BIBLIAMANTA IMPORTANTE YACHAICUNA
Biblia mana llullacushcataca ¿imamantataj crinchij?
Diospaj Shimi cashpaca, Bibliaca shujtaj librocunata yalli allimi cana can.
ÑUCANCHIJTA RIJSI
Video: ¿Imamantataj Bibliamanta yachana canchij? (Video completo)
Achca gentecunami Bibliamanta yachashpa paicunapaj tapuicunata ña cutichishca. ¿Canpish cambaj tapuicunata Bibliahuan cutichichun munanguimanchu?
ÑUCANCHIJTA RIJSI
Quiquinta visitachun mañai
Bibliamanta can charishca tapuita cutichichun mañai o testigo de Jehovacunamanta ashtahuan yachai.
