Cai partepica Griego shimipi quillcashca librocunapi parlashcatami yachashun. Jesusca shuj uchilla pueblopi huacharishcata, humilde familiamanta shamushcata, paipaj carpintero yayahuan trabajashcatami yachashun. Jesusmi tucui gentecunata quishpichina carca. Diosca jahua pachamanta mandachunmi Jesusta agllarca. Jesusta alli huiñachichunca Diosca shuj familiata agllashcata cambaj huahuacunaman yachachi. Jesusta Herodes huañuchisha nijpi Jehová ima shina cuidashcata yachachi. Jesús shamunata huillachunca Diosca Juanta agllashcata yachachi. Diospaj munai pajtarichunca pi mana jarcai tucushcata, chashnallataj Jesusca mana paipaj munaita rurashcata, ashtahuanpish  uchillamantapacha Diospi shunguta churashpa, Diospaj munaita rurashcata yachachi.