Parte 14-pica caitami yachagrinchij
Jesusta punta catijcunaca caru llajtacunapimi Dios churashca Mandanamanta huillarcacuna. Jesusca maillapi huillanatami ricuchirca. Shinallataj Diospaj espirituta chasquishpa chꞌican chꞌican shimicunapi huillachunmi Jesusca ayudarca. Jesusta punta catijcunata llaquichisha nijpipish mana manchashpa ahuantachunmi Diosca fuerzata curca.
Jehová jatun tiyarinapi tiyacujta, yallitaj sumaj cajtami shuj muscuipi laya Jesusca Juanman ricuchirca. Shujtaj muscuipica Satanás ama ashtahuan mandachun Jesucristo imata ruranatami ricuchirca. Shinallataj Jesús Rey cajta, 144.000 ungidocuna paihuan mandacushcatami Juanca ricurca. Ashtahuanpish cai allpa shuj paraíso
tucujta, chaipi tucuicuna Jehová Diosllata adorashpa, sumajta causacushcatapishmi ricurca.CAIMI TIYAN
LECCIÓN 94
Discipulocunaca espíritu santotami chasquircacuna
¿Espíritu santota chasquishcamantaca imatataj rurai tucurcacuna?
LECCIÓN 95
Huillanataca manataj saquircacunachu
Religionta pushajcunaca Jesusta huañuchishca jahuapish discipulocuna ama huillachunmi jarcarcacuna. Pero mana jarcai pudircacunachu.
LECCIÓN 96
Sauloca Jesusta catijmi tucurca
Sauloca Jesusta catijcunata llaquichishca cashpapish cambiarcami.
LECCIÓN 97
Cornelioca Diospaj espiritutami chasquirca
¿Diosca imamantataj mana judío runapaj huasiman Pedrota cacharca?
LECCIÓN 98
Discipulocunaca achca llajtacunapimi huillarca
Apóstol Pablopish paihuan rijcunapish caru ladocunapimi huillai callarircacuna.
LECCIÓN 99
Carcelta cuidajmi Diosmanta yacharca
¿Imamantataj Pablota, Silastapish carcelpi churarcacuna? ¿Carcelta cuidajca ima shinataj Diosmanta yacharca?
LECCIÓN 100
Timoteoca Pablotami ayudarca
Ishquindijmi achca huatacunata Diosta sirvishpa alli amigocuna carca.
LECCIÓN 101
Pablotaca Roma llajtamanmi aparcacuna
Pablo barcopi ricujpica huaira, tamyami jatarirca, barcopish allpapi canirishpami pꞌaquirirca. Pero ima llaquicuna ricurijpipish Pabloca huillashpami catirca.
LECCIÓN 102
Juanca shamuj punllapi imalla tucunatami ricurca
Jesusca shamuj punllapi imalla tucunatami Juanman ricuchirca.
LECCIÓN 103
‘Can Mandana punlla shamuchun’
Juanca Jesús mandacujpi cai allpapi ima shina causai tiyanatami muscuipi shina ricurca.