Diosca alli yuyaita cushpa, paipaj huasita rurachun mingashpami Salomontaca bendiciarca. Pero paica asha ashami Diosta saquirca. Yanga dioscunata adorajcuna Salomonta Diosmanta caruyachishcata huahuacunaman yachachi. Chai tiempopica mandanaca ishquipimi chaupirirca. Millai reycunami yanga dioscunata adorachishpa israelitacunataca Diosmanta caruyachircacuna. Diosta sirvij profetacunatapish llaquichishpami huañuchircacuna. Janaj lado Israelta mandaj Jezabelpish ashtahuan jatun juchacunapimi israelitacunata urmachirca. Casi tucuicunami millaita rurarcacuna. Pero huaquincunaca Josafat, profeta Elías shinami Diosta sirvircacuna.