PARLANACUSHPA CALLARI
YACHAI 3
Gentecunamanta preocupari
1 Corintios 13:4 pica: ‘Cꞌuyaita charijca llaquijmi’ ninmi.
¿Jesusca imatataj rurarca?
1. VIDEOTA ricui. Mana cashpaca Juan 9:1-7-ta liyipai. Qꞌuipaca cai catij tapuicunapi yuyai:
-
¿Jesusca mana ricuj runamantaca puntapica imatataj rurarca? ¿Diosmantachu puntapica yachachirca? (Juan 9:35-38-ta ricui).
¿Jesuspaj ejemplomantaca imatataj yachanchij?
2. Gentecunamanta preocuparishcata ricuchijpica Diosmanta yachachishcacunatami uyasha ningacuna.
Jesús shina rurai
3. Huasiyujmanta preocupari. Gentecuna ima shina sintirishcapi yuyai.
-
Caita yuyai: “¿Paica imacunallamantataj preocuparin? ¿Imatataj yachanata minishtinga?”. Chashna tapurishpami paimanta preocuparishcata ricuchingui.
-
Huaquinpica gentecunaca paicuna imamanta preocuparishcata, ima shina sintirishcatami parlancuna. Chashna parlajpica alli uyashpami paicunamanta sustarishcata ricuchina cangui.
4. Cꞌuyaihuan, respetohuan parlai. Gentecunahuan sumajta parlashpaca paicunata llaquij cashcatami ricuchingui. Chaimanta imata nigrishcata, ima shina nigrishcata alli yuyai.
5. Ayudasha nishcata ricuchi. Ayudata minishtijpica pudishpaca ayudai. Chaita rurajpica gentecunaca parlanacunatami munangacuna.
