PARLANACUSHPA CALLARI
YACHAI 5
Respetaj cai
Colosenses 4:6-pica: “Imata nishpapish sumaj shimicunahuan parlaichij” ninmi.
¿Apóstol Pabloca imatataj rurarca?
1. VIDEOTA ricui. Mana cashpaca Hechos 17:22, 23-ta liyipai. Qꞌuipaca cai catij tapuicunapi yuyai:
-
Pabloca Atenas llajtapi rurashcalla dioscunata adoracushcata ricushpaca, ¿ima shinashi sintirishcanga? (Hechos 17:16-ta ricui).
-
Pabloca sinchita rimanapaj randica, ¿gentecunaman respetohuan predicangapajca imatataj nirca?
¿Apóstol Pablopaj ejemplomantaca imatataj yachanchij?
2. Alli yuyashpa respetohuan parlajpica gentecunaca ñucanchijhuanmi parlasha ningacuna.
Apóstol Pablo shina rurai
3. Imata nigrishcata alli yuyai. Huaquincunaca Jesuspi o Bibliapica mana crincunachu. Paicunataca “Biblia o Jesusca caitami yachachin” nishpaca mana parlanachu cangui. Chaipaj randica shujtaj shimicunahuanmi parlana cangui.
4. Huasiyuj pandarijpipish uyailla. Pai ima yuyashcata parlajpica uyailla. Ima pandata nijpica ama chai rato corregichu (Santiago 1:19). Alli uyashpaca gentecuna imamanta chaita crishcatami alli intindingui (Proverbios 20:5).
5. Imata alli cutichijpica felicitai. Huaquincunaca paicuna crishcacuna tucuimi alli can nishpachari yuyancuna. Chaimantami alli uyashca huashaca, puntapica imapi paihuan de acuerdo cashcamanta parlana cangui. Qꞌuipaca Bibliahuanmi asha asha verdadta yachachina cangui.
CAI VERSOCUNATAPISH RICUI
Proverbios 25:15; 2 Timoteo 2:23-26; 1 Pedro 3:15
