Ñucanchijta ayudangapaj ejemplocuna:

• Gé 24:1-4, 7. Abrahanca paipaj churi Isaac Diosta sirvij huarmihuan cazarachunmi mashcarca. Paica Canaanmanta yanga dioscunata adoraj huarmihuan cazarachunca mana munarcachu.

• Gé 28:1-4. Isaacca Jacobtaca Canaanmanta huarmihuan cazaranapaj randica Jehová Diosta sirvij huarmihuan cazarachunmi consejarca.

Ñucanchijta ayudangapaj ejemplocuna:

• 1Re 11:1-6, 9-11. Rey Salomón Diospaj consejocunata mana cazushpa shujtaj llajtacunamanta yanga dioscunata sirvij huarmicunahuan cazarashcamanta, Diosta adoranata saquishcamantapishmi Jehová Diosca achcata pꞌiñarirca.

• Ne 13:23-27. Israelitacuna shujtaj llajtacunamanta yanga dioscunata sirvij huarmicunahuan cazarashcamantami Nehemiasca Jehová Dios shinallataj achcata pꞌiñarirca. Chaimantami sinchita consejashpa corregirca.

Ñucanchijta ayudangapaj ejemplocuna:

• 1Sa 25:2, 3, 14-17. Nabalca achca cullquita charishpapish Abigailpaj mana alli cusami carca. Paica millai, yuyai illaj, shujtajcunata mana alli tratajmi carca.

• Pr 21:9. Cazarangapaj mana alli agllashpaca llaquillami causai tucushun.

• Ro 7:2. Cazarashca huarmitaca cusa mandana cashcatami Pabloca intindichirca. Chaimantami yachaisapa huarmica pihuan cazaranataca alli yuyana can.

Ñucanchijta ayudangapaj ejemplocuna:

• Pr 24:27. Manaraj cazarashpa, manaraj huahuacunata charishpami shuj cꞌarica alli trabajaj cashcata, paipaj familiata mantini tucushcatapish ricuchina can.

Ñucanchijta ayudangapaj ejemplocuna:

• Rut 2:4-7, 10-12. Boazca, Rut alli trabajaj, Diosta alli sirvij, familiatapish alli trataj cashcata, shujtajcuna paimanta imata yuyashcata ricushpami alli huarmi cashcata cuentata curca.

• Rut 2:8, 9, 20. Rutca Boaz shujtajcunata alli trataj, mana mitsa, Diosta cꞌuyaj cashcata ricushpami alli runa cashcata cuentata curca.

Ñucanchijta ayudangapaj ejemplocuna:

• Pr 5:18, 19. Noviocunaca tucui cꞌuyaita ricuchisha nishpapish cazarashcacunalla huaquin cꞌuyaicunata ricuchina cashcatami yuyarina can.

• Can 1:2; 2:6. Ña noviocuna cashpaca sulamitapish, paita cꞌuyashca michijpish chuya ruraicunahuanmi cꞌuyaita ricuchinacurca.

• Can 4:12; 8:8-10. Sulamita solteraca chuya causaita charishcata, jarcarij cashcatapishmi ricuchirca. Chaimantami Bibliapica paica huertata huichcashca shina nin.

Ñucanchijta ayudangapaj ejemplocuna:

• Gé 21:8-12. Abrahanca paipaj huarmi Sara ima nishcata uyashpami llaquirirca. Shinapish Jehová Diosca paipaj huarmita uyachunmi mandarca.

• Pr 31:10, 11, 16, 28. Alli yuyaiyuj cusaca paipaj huarmita tucuita mana controlanchu, imapi pandarishcatapish mana ricuracunchu. Paica yuyaisapa huarmipaj cusa shinami can, paipaj huarmipi confiashpami cushichin.

• Ef 5:33. Pabloca cusayuj huarmica paipaj cusa cꞌuyashcatami yachanata minishtin nircami.

Ñucanchijta ayudangapaj ejemplocuna:

• Pr 1:8; 1Co 7:4. Diosca matrimonio ucupi huarmi asha autoridadta charichunmi saquishca. Paipaj huahuacunamanpish yachachichunmi asha autoridadta cushca.

• 1Co 11:3. Apóstol Pabloca tucuicunami shuj pushajta cazuna canchij. Cutin Tucui poderta charij Diosca pitapish cazunata mana minishtinchu nircami.

• Heb 13:7, 17. Cꞌaricunapish, huarmicunapish congregacionta pushajcunata cazushpami ayudana can.

Ñucanchijta ayudangapaj ejemplocuna:

• Gé 18:12; 1Pe 3:5, 6. Saraca paipaj cusata shungumanta respetashpami “ñuca amito” nishpa trataj carca. Chashna nishpami cusa paipaj uma cashcata ricuchirca.

Ñucanchijta ayudangapaj ejemplocuna:

• Gé 24:62-67. Isaacpaj mama huañujpica paipaj huarmi Rebecami paita animashpa ayudarca.

• 1Sa 25:14-24, 32-38. Abigailca paipaj yuyai illaj cusata ayudangapaj, paita sirvijcunata ama huañuchichunpishmi humillarishpa Davidhuan parlanaman rirca.

• Est 4:6-17; 5:1-8; 7:1-6; 8:3-6. Reina Esterca Diospaj pueblota quishpichingapajmi paipaj causaita peligropi churashpa paipaj cusa mana cayashca cajpipish ishqui cutin paipaj ñaupajman rirca.