Ñucanchijta ayudangapaj ejemplocuna:

• Sl 78:40, 41; 106:36-46. Israelitacuna achca cutin pandarishpa Jehová Diosta llaquichijpipish paica cutin cutinmi perdonarca.

• Lu 15:11-32. Jehová Dios perdonaj cashcata ricuchingapajmi Jesusca shuj cꞌuyaj yayamanta parlarca. Chai yaya, paipaj churi mana allicunata rurashpa shungumanta arrepintirijpi perdonashcatami nirca.

Ñucanchijta ayudangapaj ejemplocuna:

• Heb 9:22-28. Apóstol Pabloca Jesús huañushcallamantami Jehová Diosca ñucanchij juchacunata perdonai tucun nishpami intindichirca.

•  Ap 7:9, 10, 14, 15. Apóstol Juanca achca gentecuna Jesuspaj sacrificiopi feta churashcamanta Jehová Dios paicunapaj juchacunata perdonashcatami escribirca.

Ñucanchijta ayudangapaj ejemplocuna:

• Job 42:7-10. Manaraj Jobta jambishpa, manaraj bendicioncunata cushpami Jehová Diosca paita yangamanta juchachij quimsa runacunamanta paita mañachun mandarca.

• Mt 18:21-35. Jehová Dios ñucanchijta perdonachun ñucanchijpish shujtajcunata perdonana cashcatami Jesusca shuj ejemplohuan intindichirca.

Ñucanchijta ayudangapaj ejemplocuna:

• Sl 32:1-5; 51:1, 2, 16, 17. Rey David jatun juchacunata rurashca qꞌuipaca yallitaj llaqui sintirishcamantami shungumanta arrepintirirca.

• Snt 5:14-16. Santiagoca maijanpish jatun juchata rurashpaca ancianocunahuanmi parlana can nishpami intindichirca.

Ñucanchijta ayudangapaj ejemplocuna:

• 1Re 21:27-29; 2Cr 18:18-22, 33, 34; 19:1, 2. Jehová Diosca rey Acab paipaj ñaupajpi humillarishcata ricushpami paita llaquishpa mana castigarca. Shinapish Acabca shungumanta mana arrepintirishcatami ricuchirca. Chaimi Jehová Diosca paita mana perdonashpa huañuchichun saquirca.

• 2Cr 33:1-16. Rey Manasés yallitaj millai cajpipish shungumanta arrepintirijpica Jehová Diosca perdonarcami. Paica arrepintirishcata ricuchingapajmi yanga dioscunata tucuchirca, israelitacuna Diosta alli adorachunpishmi ayudarca.

Ñucanchijta ayudangapaj ejemplocuna:

• 2Sa 12:13; 24:1; 1Re 9:4, 5. David jatun juchacunata rurashca cajpipish shungumanta arrepintirishcata ricushpami Jehová Diosca perdonarca. Qꞌuipamanca ñucata tucuipi cazujmi can nircami.

Ñucanchijta ayudangapaj ejemplocuna:

• Mt 26:36, 40, 41. Jesushuan ashtahuan alli apanacuj discipulocunaca pai minishtishca horasmi dormishca saquirircacuna. Shinapish shaicushcacuna cashcata ricushpami Jesusca paicunata llaquishpa considerarca.

• Mt 26:69-75; Lu 24:33, 34; Hch 2:37-41. Pedroca Jesustaca mana rijsinichu nishpami quimsa cutin negarca. Shinapish shungumanta arrepintirishcata ricushpami Jesusca perdonarca. Pai causarishpaca Pedro pailla cajpimi paiman ricurirca. Chai huashaca congregacionpi importante ruraicunata pajtachichunmi mingarca.

Ñucanchijta ayudangapaj ejemplocuna:

• Mt 23:29-33. Escribacuna, fariseocuna mishqui shimi jayaj shungu cashcamantami Dios paicunata tucuchina cashcata Jesusca advertirca.

• Jn 17:12; Mr 14:21. Jesusca Judas Iscariotetaca ‘chingarina cashca runallami’ nircami. Shinallataj “paica mana huacharishca cashpachari alli canman carca” nircami.