Yaya mamacuna
¿Ima munaihuantaj Jehová Diosca matrimoniota callarichirca?
¿Yaya mamacunaca ima shinataj huahuacunata ricuna can?
Sl 127:3-5; 128:3
“Huahuacuna; jovencuna” tematapish ricui.
-
Ñucanchijta ayudangapaj ejemplocuna:
-
Gé 33:4, 5. Jacobpajca paipaj huahuacunaca Jehová Diospaj bendicionmi carca.
-
Éx 1:15, 16, 22; 2:1-4; 6:20. Amrampish, paipaj huarmi Jokebedpish paicunapaj causai peligropi cajpipish Moisestaca allimi cuidarcacuna.
-
¿Jehová Diosca yaya mamacuna paicunapaj huahuacunahuan imata rurachuntaj munan?
Dt 6:6, 7; 11:18, 19; Pr 22:6; 2Co 12:14; 1Ti 5:8
-
Ñucanchijta ayudangapaj ejemplocuna:
-
1Sa 1:1-4. Elcanaca Diospaj fiestacunata yuyarinapajmi paipaj familiahuan Siló llajtaman rij carca. Paipaj tucui huahuacuna chai fiestacunapi participachunpishmi ricuraj carca.
-
Lu 2:39, 41. Josepish, Mariapish paipaj huahuacunahuanmi Nazaretmanta Jerusalencama Pascua fiestata yuyaringapaj viajana costumbreta charircacuna.
-
¿Huahuacunaman Jehová Diosta cazuchun yachachinaca imamantataj importante can?
Pr 1:8, 9; 22:6
2Ti 3:14, 15-tapish ricui.
-
Ñucanchijta ayudangapaj ejemplocuna:
-
1Sa 2:18-21, 26; 3:19. Samuelpaj yaya mamaca Diospaj huasipi sirvichunmi paipaj churita curcacuna. Shinapish paitaca siempremi visitanaman rijcuna carca, paipaj minishtishcacunatapishmi saquijcuna carca. Qꞌuipaca Samuelca espiritualmente sinchimi tucurca.
-
Lu 2:51, 52. Jesusca paipaj yaya mama juchayujcuna cajpipish cazushpami catirca.
-
Yaya mamacunaca paipaj huahuacunata alli huiñachingapajca, ¿maipitaj alli consejocunata mashcai tucun?
Sl 127:1; Pr 16:3-tapish ricui.
-
Ñucanchijta ayudangapaj ejemplocuna:
-
Jue 13:2-8. Manoaca paipaj huarmihuan Jehová Dios shuj huahuata cugrishcata yachaj chayashpaca chai huahuata alli huiñachingapaj yachachichunmi Diosta mañarcacuna.
-
Sl 78:3-8. Jehová Diosca yaya mamacuna paicunapaj huahuacunaman Bibliamanta yachachichunmi mañan.
-
Diosta cꞌuyaj familiapi huiñashca cashpapish, ¿imamantataj huaquin huahuacunaca Diosta sirvinata saqui tucuncuna?
Eze 18:1-13, 20
¿Ima horastaj yaya mamacunaca paicunapaj huahuacunaman Jehová Diosmanta yachachina can?
-
Ñucanchijta ayudangapaj ejemplocuna:
-
Dt 29:10-12, 29; 31:12; Esd 10:1. Yaya mamacunaca paicunapaj huahuacunataca Jehová Diosmanta yachachunmi tandanacuicunaman apajcuna carca.
-
Lu 2:41-52. José y Mariaca Jesustapish, caishuj huahuacunatapishmi Jerusalén templopi Pascua fiestata yuyaringapaj siempre pushajcuna carca.
-
¿Yaya mamacunaca paicunapaj huahuacunata cuidangapajca picunapaj ejemplotataj catina can?
-
Ñucanchijta ayudangapaj ejemplocuna:
-
Éx 19:4; Dt 32:11, 12. Jehová Diosca: ‘Ñucaca águila shinami ñuca alaspi uchilla aguilacunata apashpa cuidarcani’ nircami.
-
Is 49:15. Jehová Diosca paita sirvijcunataca shuj mama paipaj llullu huahuata cꞌuyashcata yallimi cuidasha ninmi.
-
Mt 2:1-16. Jesús huahuaraj cajpimi rey Herodes, Diablopish paita huañuchisha nircacuna. Chaita rurangapajca Diabloca estrellacunata ricuj adivinaj runacunataca millai rey Herodespajmanmi pusharca. Pero Jehová Diosca paipaj Churita quishpichingapajca Josetaca paipaj familiahuan Egiptoman richunmi mandarca.
-
Mt 23:37. Jesusca paipaj pueblota cuidashcataca shuj atillpa paipaj pollitocunata alas ucupi cuidashcahuanmi chꞌimbapurarca.
-
¿Aichapi chayarinamantaca imamantataj yaya mamacunaca paicunapaj huahuacunahuan parlana can?
-
Ñucanchijta ayudangapaj ejemplocuna:
-
Le 15:2, 3, 16, 18, 19; Dt 31:10-13. Moisesman cushca leypica aichapi chayarinamantapishmi huillaj carca. Chai nishcacunata liyicujpica Jehová Diosca huahuacunapish chaita uyachunmi mañarca.
-
Sl 139:13-16. Davidca ñucanchij cuerpo sumajta rurashca cashcata ricushpa, huahuacunapish mamapaj huijsapi ima shina huiñajta yuyashpami Salmos libropi Diosta alabarca.
-
Pr 2:10-15. Jehová Diosca mana allicunata ruraj gentecunamanta quishpichingapajmi alli yachaita cun.
-
¿Imamantataj huahuacunataca cꞌuyaihuan corregina canchij?
Pr 13:24; 29:17; Jer 30:11; Ef 6:4
Sl 25:8; 145:9; Col 3:21-tapish ricui.
-
Ñucanchijta ayudangapaj ejemplocuna:
-
Sl 32:1-5. Rey Davidta Jehová Dios corregijpica paica achcatami llaquirirca. Pero shungumanta perdonajta yachashpaca cushillami sintirirca.
-
Jon 4:1-11. Jonás Dioshuan pꞌiñarishpa mana respetohuan rimajpipish Jehová Diosca paitaca pacienciahuanmi tratarca. Chashnami Jonastaca llaquij cana cashcata yachachirca.
-
Yaya mamacuna huahuacunata corregijpica, ¿imamantataj huahuacunata cꞌuyashcata ninchij?
Pr 3:11, 12; 13:24
Pr 15:32; Ap 3:19-tapish ricui.
Caitapish yachai
RIJCHARI
Yaya mamacuna: Alli ejemplota ricuchichij
Huahuacuna cazuchunca yaya mamacunami alli ejemplota ricuchina can.
ÑUCANCHIJTA RIJSI
Quiquinta visitachun mañai
Bibliamanta can charishca tapuita cutichichun mañai o testigo de Jehovacunamanta ashtahuan yachai.
