YACHAI 16
¿Jesús cai Allpapi cashpaca imatataj rurarca?
Jesuspi yuyashpaca achca gentecunaca shuj llullu huahua cashcata, alli runa cashcata o llaquita huañushcatami yuyancuna. Pero Jesús cai Allpapi cashpa imata rurashcata yachashpami paita ashtahuan rijsishun. Shinallataj paimanta yachanaca ima shina canta ayudai tucushcatami ricushun.
1. ¿Jesuspajca imata ruranataj ashtahuan valishca carca?
Jesuspajca ‘Dios mandagrin alli huillaicunata’ huillanami ashtahuan valishca carca (Lucas 4:43-ta liyipai). Jesusca Diospaj Mandanamanta o Diospaj Gobiernomantami yachachirca. a Chai Gobierno gentecunapaj llaquicunata tucuchinatapishmi huillarca. Jesusca quimsa huata chaupitami cai alli huillaicunata huillarca (Mateo 9:35).
2. ¿Jesús rurashca milagrocunaca imatataj ricuchirca?
Bibliapica Yaya Diosca Jesustami ‘pi mana ruraipajcunatapish, mancharinacunatapish rurachirca’ ninmi (Hechos 2:22). Yaya Dios Jesusman poderta cujpimi Jesusca achca huaira, tamya jatarijpi jarcarca. Achca gentecunamanpishmi micunata cararca, ungushcacunatapishmi jambirca, huaquin huañushcacunatapishmi causachirca (Mateo 8:23-27; 14:15-21; Marcos 6:56; Lucas 7:11-17). Jesús rurashca milagrocunami Dios paita cachashcataca ricuchirca. Shinallataj Dios tucui llaquicunata tucuchingapaj poderta charishcatapishmi ricuchirca.
3. ¿Jesusca paipaj causaihuanca imatataj ricuchirca?
Jesusca paipaj Yayataca tucuipimi cazurca (Juan 8:29-ta liyipai). Paica huañungacamami paipaj Yaya mandashcata rurarca. Paica jarcaicunata charishpapish paipaj Yaya mingashcatami pajtachirca. Jesusca sinchi llaquicunata charishpapish Diosta tucui shunguhuan sirvi tucushcatami ricuchirca. Chashnami Jesusca ‘pai rurashcata alli catichun ejemplota saquirca’ (1 Pedro 2:21, NWT).
ASHTAHUAN YACHAI
Jesús alli huillaicunata huillashcata, milagrocunata rurashcatapishmi ricushun.
4. Jesusca alli huillaicunatami huillarca
Jesusca allpalla ñancunata achcata purishpami alli huillaicunataca achca gentecunaman huillarca. Lucas 8:1-ta liyipai. Qꞌuipaca cai catij tapuicunatami yachashun:
-
¿Jesusca paita uyasha nijcunallamanchu huillarca?
-
¿Gentecunaman huillangapajca Jesusca imallatataj rurarca?
Diosca Mesiasmi alli huillaicunataca huillanga nircami. Isaías 61:1, 2-ta liyipai. Qꞌuipaca cai catij tapuicunatami yachashun:
-
¿Isaías 61:1, 2-pi nishcacunaca ima shinataj Jesuspi pajtarirca?
-
¿Cunan punllacunapi gentecunaca alli huillaicunata uyanata minishtinchu?
5. Jesusca valishca yuyaicunatami yachachirca
Jesusca Diospaj Gobiernomantami huillarca. Cushilla causangapajca imata rurana cashcatapishmi yachachirca. Jesús shuj urcupi yachachishcacunamanta huaquin consejocunata ricushun. Mateo 6:14, 34 y 7:12-ta liyipai. Qꞌuipaca cai catij tapuicunatami yachashun:
-
¿Mateo 6:14, 34 y 7:12-pica Jesusca ima consejocunatataj curca?
-
¿Jesús cushca consejocunaca cunan punllacunapi gentecunata ayudai tucunchu?
6. Jesusca milagrocunatami rurarca
Jesús milagrocunata rurachunca Jehová Diosmi poderta curca. Shuj milagromanta yachangapajca Marcos 5:25-34-ta liyipai. VIDEOTAPISH ricui. Qꞌuipaca cai catij tapuicunatami yachashun:
-
¿Videopi ricurij ungushca huarmica imatataj crirca?
-
¿Chai milagromantaca imatataj yuyangui?
Juan 5:36-ta liyipai. Qꞌuipaca cai catij tapuitami yachashun:
-
¿Jesús rurashca milagrocunaca imatataj ricuchin?
¿Caita yacharcanguichu?
Mateo, Marcos, Lucas, Juan librocunapica Jesuspaj causaimantami yachachin. Cai librocunata quillcajcunaca Jesuspaj causaimanta chꞌican chꞌican yuyaicunata parlashpapish mana pandarinchu. Cai chuscu Evangeliocunamanta yachashpami Jesuspaj causai ima shina cashcataca intindishun.
-
MATEO
Paica punta Evangeliotami quillcarca. Cai libropica Diospaj Gobiernomantami ashtahuan parlan. Jesús yachachishcacunatapishmi huillan.
-
MARCOS
Pai quillcashca Evangelioca uchillami can. Cai librota liyishpaca tucui shunguhuan escribishcatami yachacunchij.
-
LUCAS
Pai quillcashca libropica Diosta mañanaca valishca cashcatami parlan. Jesuspish huarmicunata alli tratashcatami huillan.
-
JUAN
Paica cai libropica Jesús paipaj amigocunahuan, shujtajcunahuan parlanacushcatami huillan. Cai librota yachashpami Jesús ima laya cashcata rijsishun.
HUAQUINCUNACA: “Jesusca shuj alli runallami carca” nincunami.
-
¿Canca imatataj yuyangui?
YUYARISHUNCHIJ
Jesusca Diospaj Gobiernomantami yachachirca, milagrocunatapishmi rurarca. Yaya Diostapish siempremi cazurca.
Yuyaringapaj tapuicuna
-
¿Jesús cai Allpapi cashpaca imatataj ashtahuan rurarca?
-
¿Jesús rurashca milagrocunaca imatataj ricuchirca?
-
¿Gentecuna cushilla causachunca imata rurachuntaj yachachirca?
CAICUNATAPISH RICUI
¿Jesusca imatataj ashtahuan yachachirca?
Jesuspaj milagrocuna imamanta cierto cashcata ricui.
“¿Jesuspaj milagrocunamantaca imatataj yachanchij?” (Huillaj, 15 de julio de 2004)
Jesusca mana paillapi yuyashpa causarcachu. Shuj runa Jesusmanta yachashpa cambiashcata liyi.
Jesús imalla rurashcata fechacunahuan ricui.
a Yachai 31-33-pica Diospaj Gobierno ima cashcatami ashtahuan huillan.
Puede que también le interese
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
