YACHAI 21
¿Alli huillaicunataca ima shinataj predicanchij?
Jehová Diosca paipaj Gobiernohuanmi gentecunapaj llaquicunata tucuchinga. Cai alli huillaicunataca tucui gentecunamanmi huillasha ninchij. Jesusca paita catijcunamanca mundo enteropi huillachunmi mandarca (Mateo 28:19, 20). ¿Testigo de Jehovacunaca Jesús mandashcata cazungapajca imatataj rurashcanchij?
1. ¿Mateo 24:14-pi nishcaca ima shinataj pajtaricun?
Jesusca: ‘Alli huillaicunataca, tucui cai pachapi causajcunamanmi huillashpa yachaj chayachishca canga’ nircami (Mateo 24:14). Testigo de Jehovacunaca gentecunaman huillanatami munanchij. Cai alli huillaicunataca mundo enteropimi mil yalli shimicunapi huillacunchij. Cai obrata pajtachingapajca achca esfuerzo, alli organizashca canami minishtirin. Chaimantami Diospaj ayudata minishtinchij.
2. ¿Huillangapajca imatataj ruranchij?
Alli organizados cashcamantami cada huata achca gentecunaman huillanchij. Ima shinami Jesusta punta catijcuna rurarca, chashnallatajmi ‘huasin huasin’ rishpa huillanchij (Hechos 5:42). Pero gentecuna mana huasipi cajpica gentecuna tiyashca ladocunapimi huillanchij. Ñucanchijca maipi cashpapish Jehová Diosmanta, pai imalla ruragrishcamantapishmi huillangapaj tucuita ruranchij.
3. ¿Alli huillaicunataca picunataj huillana can?
Jesusta alli catijcunami alli huillaicunataca huillana can. Testigo de Jehovacunapajca shujtajcunaman huillanaca valishcami can. Gentecuna quishpirichunca huillanami canchij. Chaimantami huillangapajca cada uno imata rurai pudishcata ruranchij (1 Timoteo 4:16-ta liyipai). Ñucanchijca mana imata cobranchijchu. Bibliapica: “Cancunaca gratismi chasquircanguichij, shujtajcunamanpish gratis cuichij” ninmi (Mateo 10:7, 8, NWT). Huaquin gentecuna mana uyasha nijpipish Jehová Diosta alli sirvingapaj, paita cushichingapajmi huillashpa catinchij.
ASHTAHUAN YACHAI
Mundo enteropi testigo de Jehovacuna huillangapaj imallata ruracushcata yachashun. Jehová Diospish ima shina ayudacushcata ricushun.
Mundo enteropimi huillanchij: A) Costa Rica; B) Estados Unidos; C) Benín; D) Tailandia; E) Micronesia; F) Suecia.
4. Huillangapajca tucuitami ruranchij
Testigo de Jehovacunaca gentecuna tiyashca lugarcunapi huillangapajmi tucuita ruranchij. VIDEOTA ricui. Qꞌuipaca cai catij tapuitami yachashun:
-
¿Testigo de Jehovacuna huillangapaj imallata ruracushcamantaca imatataj ashtahuan munangui?
Mateo 22:39-ta liyipai; Romanos 10:13-15-ta liyipai, NWT. Qꞌuipaca cai catij tapuicunatami yachashun:
-
¿Huillashpaca gentecunata cꞌuyashcataca ima shinataj ricuchinchij?
-
¿Diosca paimanta huillajcunataca ima shinataj ricun? (Romanos 10:15-ta ricui).
5. Yaya Dioshuanmi trabajanchij
Jehová Diosmi cai obrataca ñaupajman pushacun. Shuj ejemplota ricushun. Nueva Zelanda llajtapica Paul shuti shuj Testigoca huasin huasin rishpami shuj huarmihuan parlarca. Chai huarmica tutamanta ladomanmi Jehová Diostaca, “canmanta ashtahuan rijsichichun pitapish cachahuai” nishpa mañacushca carca. Quimsa horas qꞌuipallami Paulca paita visitanaman chayarca.
1 Corintios 3:9-ta liyipai. Qꞌuipaca cai catij tapuitami yachashun:
-
¿Cai experienciaca Jehová Dios huillana obrata ñaupajman pushacushcataca ima shinataj ricuchin?
Hechos 1:8-ta liyipai. Qꞌuipaca cai catij tapuitami yachashun:
-
¿Huillangapajca imamantataj Jehová Diospaj ayudata minishtinchij?
¿Caita yacharcanguichu?
Entre semana tandanacuipica gentecunaman alli huillachunmi yachachin. Chai tandanacuipi ima shina huillanata yachachishcamantaca, ¿imatataj yuyangui?
6. Huillashpaca Dios mandashcatami cazunchij
Jesusta punta catijcunataca autoridadcunaca ama huillachunmi jarcasha nircacuna. Pero huillashpa catingapajmi paicunaca ‘autoridadcunapaj ñaupajpi difindircacuna’ (Filipenses 1:7, NWT). Cunan punllacunapipish testigo de Jehovacunaca chashnallatajmi ruranchij. a
Hechos 5:27-42-ta liyipai. Qꞌuipaca cai catij tapuitami yachashun:
-
¿Huillanataca imamantataj mana saquina canchij? (Hechos 5:29, 38 y 39-ta ricui).
HUAQUINCUNACA: “¿Imamantataj testigo de Jehovacunaca huasin huasin rishpa huillancuna?” nishpami tapuncuna.
-
¿Quiquinca imatataj ninguiman?
YUYARISHUNCHIJ
Jesusca paita catijcunamanca tucui llajtacunapi alli huillaicunata huillachunmi mandarca. Pai mandashcata pajtachichunca Jehová Diosmi ayudacun.
Yuyaringapaj tapuicuna
-
¿Mundo enteropi alli huillaicunata huillangapajca imatataj ruranchij?
-
¿Huillacushpaca ima shinataj shujtajcunata cꞌuyashcata ricuchinchij?
-
¿Diosmanta huillashpaca cushilla sintirinata cringuichu? ¿Imamantataj chashna cringui?
CAICUNATAPISH RICUI
Testigo de Jehovacuna jatun llajtacunapi ima shina huillacushcata ricui.
¿Testigocunaca shujtaj llajtamanta cajcunamanca ima shinataj huillancuna?
Shuj pani Diosmanta huillashpa cushilla sintirishcata ricui.
Huillashpa catingapajca Tribunalcunaman rishpami jarcaicunata mishashcanchij. Caimanta ashtahuan yachai.
a Diosmi gentecunaman huillachun mandashca. Chaimantami testigo de Jehovacunaca huillangapajca autoridadcunapaj permisotaca mana minishtinchij.
Caitapish yachai
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
