YACHAI 30
Cambaj cꞌuyashca familiacunaca causaringami
Shuj cꞌuyashca familia huañujpica achcatami llaquirinchij. Chaimantami Bibliapica huañuica ñucanchijpaj enemigomi can nin (1 Corintios 15:26). Yachai 27-pica Jehová Dios huañuita ñalla tucuchigrishcatami yacharcangui. Pero ¿huañushca gentecunahuanca imataj tucunga? Cai yachaipica Jehová Diosca achca huañushcacunata causachigrishcatami yachangui. Shinapish ¿maipitaj causaringacuna jahua pachapi o cai Allpapi?
1. ¿Ñucanchij huañushca familiahuanca Jehová Diosca imatataj ruragrin?
Jehová Diosca huañushcacunata causachinatami munan. Jobca Dios paita causachinapimi crirca. Pai huañujpica Dios paimanta mana cungarishcatami seguro carca. Chaimantami Diostaca: “Ñucata cayajpica, ñucaca cutichisha” nirca (Job 14:13-15-ta liyipai).
2. ¿Huañushcacuna causarinataca ima shinataj yachanchij?
Jesús cai Allpapi cashpaca gentecunata causachingapajmi Diospaj poderta chasquirca. Chaimantami 12 huatata charij shuj huarmi huambratapish, shuj viudapaj huahuatapish causachirca (Marcos 5:41, 42; Lucas 7:12-15). Qꞌuipaca paipaj amigo Lazaropishmi huañurca. Pai ña chuscu punllacunata pambashca cajpipish Jesusca lazarota causachircami. Pero causachingapajca puntaca Yaya Diostami mañarca. Qꞌuipaca Jesusca: ‘“¡Lázaro, chaimanta llujshimui!” nishpami sinchita caparirca. Shina nijpimi Lazaroca llujshirca’ (Juan 11:43, 44). Chaita ricushpaca Lazaropaj familiapish, amigocunapish cushillami sintirircacuna.
3. ¿Cambaj huañushca familiacunaca cutinchu causaringa?
Bibliapica: ‘Taita Diosca huañushcacunatami causachinga’ ninmi (Hechos 24:15). Jesús causachishca gentecunaca mana jahua pachamanchu rirca (Juan 3:13). Paicunaca cai Allpapi cutin causarishcamantami cushilla sintirircacuna. Ñallami Jesusca paraíso Allpapi huiñai huiñaita causachun achca huañushca gentecunata causachinga. Jesusca Yaya Diospaj memoriapi caj huañushcacuna cutin causarina cashcatami yachachirca. Cungarishca gentecunapishmi causaringacuna (Juan 5:28, 29).
ASHTAHUAN YACHAI
Huañushcacuna seguro causarina cashcata Bibliapi ricushun. Shinallataj causarina esperanza ñucanchijta ima shina ayudashcatami ricushun.
4. Jesusca huañushcacunata causachi tucushcatami ricuchirca
Paipaj amigo Lazaromanta Jesús imata rurashcata ashtahuan yachai. Juan 11:14 y 38-44-ta liyipai. Qꞌuipaca cai catij tapuicunatami yachashun:
-
¿Lázaro ciertotaj huañushcataca ima shinataj yachanchij? (Juan 11:39-ta ricui).
-
¿Lázaro jahua pachaman rishca cajpica Jesusca paita cai Allpapi causachishpaca allitachu rurarca?
5. Achcacunami causaringa
Proverbios 2:21-ta liyipai. Qꞌuipaca cai catij tapuitami yachashun:
-
¿Causarishca gentecunaca maipitaj causangacuna?
Jesusca Diosta adorajcunatapish, shujtaj gentecunatapishmi causachinga. Hechos 24:15-ta liyipai. Qꞌuipaca cai catij tapuitami yachashun:
-
¿Huañushcacuna causarijpica pitataj ricusha ningui?
Ima shinami shuj yaya paipaj huahuata dorminamanta rijchachinlla, chashnallatajmi Jesuspajca huañushcacunata causachinaca jahualla can.
6. Huañushcacuna causarinata yachanami esperanzata charichun ayudan
Jairopaj ushushi causarishcata liyishpami achcacunaca tranquilo sintirishcacuna. Caimanta ashtahuan yachangapajca Lucas 8:40-42 y 49-56-ta liyipai.
Manaraj Jairopaj ushushita causachishpaca Jesusca Jairotaca: “Ama manchaichu, alliyachina cashcata crilla” nircami (Lucas 8:50-ta ricui).
-
Cambaj familia huañujpica, ¿causarina esperanzaca ima shinataj ayudan?
-
Cambaj causai peligropi cajpica, ¿causarina esperanzaca ima shinataj ayudai tucun?
VIDEOTA ricui. Qꞌuipaca cai catij tapuitami yachashun.
-
¿Huañushcacuna causarinata yachanaca Felicitypaj yaya mamataca ima shinataj ayudashca?
HUAQUINCUNACA: “Huañushcacuna cai Allpapi cutin causarinapi crinaca sinchimi can” nincunami.
-
¿Quiquinca imatataj yuyangui?
-
Huañushcacuna cai Allpapi causarinata yachachingapajca, ¿ima versotataj ricuchinguiman?
YUYARISHUNCHIJ
Bibliapica huañushcacuna causarinatami yachachin. Diosca huañushcacuna causarichunmi munan. Chaimantami Jesusmanca causachina poderta cushca.
Yuyaringapaj tapuicuna
-
Jehovapish, Jesuspish huañushcacunata causachisha nishcataca, ¿ima shinataj yachanchij?
-
¿Huañushcacunaca maipitaj causaringa jahua cielopi o cai Allpapi? ¿Imamantataj chashna ningui?
-
¿Huañushcacuna causarinataca imamantataj cringui?
CAICUNATAPISH RICUI
Shuj familia o amigo huañujpi yallitaj llaquilla ama sintiringapaj imata rurana cashcata yachai.
“¿Huañui tiyajpica imatashi rurashun?” (Rijchari, Núm. 3, 2018)
¿Cꞌuyashca familia huañujpica Bibliaca ayudanchu?
Shuj huañui tiyajpica huahuacunata ima shina ayudanata yachai.
¿Tucui huañushcacunachu causaringa? ¿Pipish jahua pachapica causaringachu?
Puede que también le interese
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
