YACHAI 36
Tucuipi honrados cashunchij
Tucuicunami ñucanchij amigocuna honrados cachun munanchij. Jehová Diospishmi paipaj amigocuna honrados cachun munan. Cai mundopi llulla gentecuna tiyashcamantami honrado canaca sinchi can. ¿Tucuipi honrados canaca imamantataj alli can?
1. ¿Honrado canaca imamantataj valishca can?
Shujtajcunahuan honrados cashpami Jehová Diosta cꞌuyashcata, respetashcatapish ricuchinchij. Jehová Dios ñucanchij rurashcacunatapish, ñucanchij yuyashcacunatapish ricucushcatami yuyarina canchij (Hebreos 4:13). Honrados cangapaj decidijpica Jehová Diosca cushillami sintirin. Chaimantami Bibliapica cashna nin: “Mandaj Diosca millaita rurajtaca, manataj ricunachinchu. Ashtahuanpish cashcata rurajcunahuanca, tandallami causan” (Proverbios 3:32).
2. ¿Imacunallapitaj honrados cana canchij?
‘Mana caishuj chaishuj llullanacushpaca’ Jehová munashca shinami causashun (Zacarías 8:16, 17). ¿Caica imatataj nisha nin? Familia ucupipish, trabajopipish, congregacionpipish, autoridadcunamanpish mana llullacunata nina cashcatami nisha nin. Honrados cashcamantami mana shuhuanchij (Proverbios 24:28 y Efesios 4:28-ta liyipai). Impuestocunatapishmi paganchij (Romanos 13:5-7). Ñucanchijca “tucuipi allita rurashpami” causasha ninchij (Hebreos 13:18, NWT).
3. ¿Honrado canaca imamantataj valishca can?
Honrados cajpica shujtajcunaca ñucanchijpimi confiangacuna. Congregación ucupipish sumajta apanacushpami shuj familia shina cashun. Ñucanchij concienciahuanpishmi alli sintirishun. Chashnami ‘ñucanchijta Quishpichij Diospaj yachaicunata sumajyachishun’. Shujtaj gentecunapishmi Jehová Diosta sirvisha ningacuna (Tito 2:10).
ASHTAHUAN YACHAI
Honrados cashpa Jehová Dioshuan alli apanacungapaj ima shina ayudashcatami ricushun. Shinallataj tucui ñucanchij causaipi honrados cangapaj imata rurana cashcata yachashun.
4. Jehová Diosca honrados cachunmi munan
Salmo 44:21 y Malaquías 3:16-ta liyipai. Qꞌuipaca cai catij tapuicunatami yachashun:
-
¿Verdadtaca pacai tucunchijchu? ¿Imamantataj chashna ningui?
-
Sinchi cajpipish verdadta nijpica, ¿Jehová Diosca ima shinashi sintirin?
Huahuacuna verdadta nijpica taita mamaca cushillami sintirin. Jehová Diospish ñucanchij verdadta nijpica cushillami sintirin.
5. Tucuipi honrados cashunchij
Achca gentecunaca tucuipi honrados canaca mana allichu can nincunami. Shinapish tucuipi honrados cana imamanta importante cashcata ricushun. VIDEOTA ricui.
Hebreos 13:18-ta liyipai, NWT. Qꞌuipaca cai catij tapuicunatami yachashun:
-
¿Familia ucupica ima shinataj honrados cashun?
-
¿Trabajopi, escuelapipish ima shinataj honrados cashun?
-
¿Shujtaj ruraicunapipish ima shinataj honrados cai pudinchij?
6. Honrados cashpaca allimi causashun
Huaquinpica honrados cashcamantami llaquicunata charishun. Pero qꞌuipaca honrados cana alli cashcatami cuentata cushun. Salmo 34:12-16-ta liyipai. Qꞌuipaca cai catij tapuitami yachashun:
-
¿Honrados cashpaca ima shinataj causashun?
-
Cusapish, huarmipish honrado cashpaca cushillami causangacuna.
-
Trabajopi honrados cajpica jefecunaca ñucanchijpimi confiangacuna.
-
Honrados cashpaca autoridadcunapaj ñaupajpimi alli ricurishun.
HUAQUINCUNACA: “Ashata llullanaca mana malochu can” nincunami.
-
¿Jehová Diosca ashata llullachunchu munan? ¿Imamantataj chashna ningui?
YUYARISHUNCHIJ
Jehová Diosca paipaj amigocuna tucuipi honrados cachunmi munan.
Yuyaringapaj tapuicuna
-
¿Imacunallapitaj honrados cana canchij?
-
¿Llullacunata pacashca charinaca imamantataj mana alli can?
-
¿Imamantataj siempre honrado cana cangui?
CAICUNATAPISH RICUI
¿Yaya mamacunaca huahuacuna honrados cachunca ima shinataj yachachi tucun?
¿Ari nishcata pajtachijcunaca ima bendicioncunatataj charingacuna?
Impuestota pagashca cullquihuan ima mana allicunata rurajpipish pagana cashcata o mana pagana cashcata ricui.
“¿Impuestocunataca paganachu canchij?” (Huillaj, 1 de septiembre de 2011)
¿Honrado cangapajca impuestota yallitaj cobraj runataca imataj ayudarca?
“Diosca perdonaj, alli shungu cashcatami yacharcani” (Huillaj, 1 de mayo de 2015)
Caitapish yachai
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
