YACHAI 38
Causaita cushcamanta Diosta pagui nishunchij
Causaica sumajmi can. Llaquicunata charishpapish cushillami causai tucunchij. Pero ¿Jehová Diostaca cai sumaj regalota cushcamantaca ima shinataj agradici tucuchij? ¿Imamantataj agradicina canchij?
1. ¿Causaitaca imamantataj valorana canchij?
Causaita cujca Jehová Diosmi can. Paimi tucuita rurarca. Chaimantami causaitaca valorana canchij (Salmo 36:9). Paimi “causaitapish, samaitapish tucui imatapish” cun (Hechos 17:25, 28). Jehová Diosmi causashpa catichun tucui ima minishtishcata ñucanchijman cun. Paica cushilla causachunmi munan (Hechos 14:17-ta liyipai).
2. ¿Causaita cushcamantaca ima shinataj Jehová Diostaca agradici tucunchij?
Cambaj mamapaj huijsapi tiyai callarishcamantami Jehová Diosca cantaca ña ricurca. Dios yuyaita cujpimi Diosta sirvij Davidca: ‘Mamapaj huijsapi tiyarishca pachamantami ñucataca ricurcangui’ nishpa mañarca (Salmo 139:16). Cambaj causaica Jehová Diospajca valishcami can (Mateo 10:29-31-ta liyipai). Shujtajpaj causaita quichujpi o cambaj propio causaita quichunata munajpica Jehová Diosca achcatami llaquirin (Éxodo 20:13). a Shinallataj ñucanchij propio causaita llaquipi churajpi o shujtajcunapaj causaita llaquipi churajpica Jehová Diosca llaquirinmi. Ñucanchij propio causaita cuidashpa, shujtajcunapaj causaita respetashpaca Jehová cushca causaita valorashcatami ricuchinchij.
ASHTAHUAN YACHAI
Causaita cushcamanta Jehová Diosta ima shina agradicina cashcata ricushun.
3. Cambaj saludta cuidai
Jesusta catijcunaca Jehovapaj munaita rurasha nishcamantami pai munashca shina causancuna. Paicunapaj cuerpota shuj sacrificiota shina Diosman cushcamantami paicunapaj saludtaca cuidana can. Romanos 12:1, 2-ta liyipai. Qꞌuipaca cai catij tapuicunatami yachashun:
-
¿Cambaj saludtaca imamantataj cuidana cangui?
-
¿Cambaj saludtaca ima shinataj cuidana cangui?
4. Cambaj causaita, shujtajcunapaj causaitapish cuidai
Ñucanchij causaita, shujtajcunapaj causaitapish ama llaquipi churangapajmi Bibliaca sumaj consejocunata cun. VIDEOTA ricui. Ñucanchij causaita ima shina cuidana cashcata ricui.
Proverbios 22:3-ta liyipai. Qꞌuipaca cai catij tapuicunatami yachashun:
-
¿Huasipica ima shinataj causaitaca cuidanguiman?
-
¿Trabajopica ima shinataj causaitaca cuidanguiman?
-
¿Pugllacushpaca ima shinataj causaitaca cuidanguiman?
-
¿Manejacushpa o viajacushpaca ima shinataj causaitaca cuidanguiman?
5. Manaraj huacharishca huahuapaj causaita respetashunchij
Davidca mamapaj huijsa ucupi caj huahuapaj causaimantaca Jehová Diosca preocuparinmi nirca. Salmo 139:13-17-ta liyipai. Qꞌuipaca cai catij tapuitami yachashun:
-
¿Shuj runapaj causaica Jehová Diospajca ima horastaj callarin: huacharishca horas o mamapaj huijsapi tiyarishca horas?
Chichu huarmicunata cuidangapaj, manaraj huacharishca huahuapaj causaita cuidangapajmi Jehová Diosca israelitacunaman shuj mandatota curca. Éxodo 21:22, 23-ta liyipai. Qꞌuipaca cai catij tapuicunatami yachashun:
-
Manaraj huacharishca huahuata por accidente huañuchijpica, ¿Diosca imatataj yuyaj carca?
-
¿Huahuata shullujpica Jehová Diosca ima shinashi sintiringa? b
-
¿Shullunamanta Dios ima yachachishcataca imatataj yuyangui?
Causai valishca cashcata yachashpapish shuj huarmica shullunapimi yuyai tucun. Isaías 41:10-ta liyipai. Qꞌuipaca cai catij tapuicunatami yachashun:
-
¿Shuj huarmita shulluchun nijpica pipaj ayudatataj mashcana can? ¿Imamantataj Diospaj ayudata mashcana can?
HUAQUINCUNACA: “Cada huarmimi shullunata o mana shullunataca decidina can. Paicunapaj cuerpomi can” nincunami.
-
¿Chichu huarmipaj causaipish, huijsa ucupi caj huahuapaj causaipish Jehovapaj valishca cashcataca imamantataj cringui?
YUYARISHUNCHIJ
Causaica Jehová cushca regalomi can. Chaimantami Bibliapica ñucanchij causaita, shujtajcunapaj causaitapish cꞌuyachun, respetachun yachachin.
Yuyaringapaj tapuicuna
-
¿Jehová Dios ñucanchij causaita valorashcataca ima shinataj yachanchij?
-
¿Paillataj huañujpi o shujtajcunata huañuchijpica Jehová Diosca ima shinataj sintirin?
-
¿Causaimantaca imatataj ashtahuan munangui?
CAICUNATAPISH RICUI
Causaita cushcamantaca, ¿ima shinataj Jehová Diostaca agradici tucunchij?
¿Huahuata shulluchishcamantaca Taita Diosca perdonangachu?
“¿Shullunamantaca Bibliaca imatataj nin?” (jw.org paginapi ricui)
Causaimanta Dios imata yuyajta yachashpaca, alli yuyashpami pugllaicunataca agllashun.
“¿Causaita peligropi churaj pugllaicunapica participanachu canchij?” (Huillaj, 8 de octubre de 2000)
¿Huañuna yuyaita charijcunamanca Bibliaca ima consejotataj cun?
“¿Huañuna yuyaita charijcunataca Bibliaca ima shinataj ayudan?” (jw.org paginapi ricui)
a Shungupi llaquilla cajcunamantapishmi Jehová Diosca achcata preocuparin (Salmo 34:18). Llaquilla cashcamanta paipaj propio causaita quichusha nijcunatapishmi paica alli intindin. Chaimantami paicunata ayudasha nin. “¿Huañuna yuyaita charijcunataca Bibliaca ima shinataj ayudan?” nishcata liyishpaca alli consejocunatami taringui. Chaitaca “Caicunatapish ricui” nishcapi yachai.
b Mana yachaimanta huahuata shullushcamantaca mana culpable sintirinachu can. Jehová Diosca perdonangapajca listomi can. “¿Shullunamantaca Bibliaca imatataj nin?” nishca tapuimanta ashtahuan yachai. Caitaca “Caicunatapish ricui” nishca partepi ricui.
Caitapish yachai
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
