¿Ñachu listo cani?
¿Huauqui panicunahuan predicangapajca ñachu listo cani?
Manaraj bautizarishpa predicangapajca caitami rurana cangui:
Bibliatami alli estudiana cangui. Diostapishmi mañana cangui. Tandanacuicunamanpishmi rina cangui.
Bibliapi imalla yachacushcata crishpami valorana cangui. Predicana munaitapishmi charina cangui.
Jehová Diostami cꞌuyana cangui. Diosta cꞌuyaj amigocunatapishmi charina cangui.
Politicapi, panda religionpi chagrurinatami tucui saquina cangui.
Dios mandashca shinami causana cangui. Testigo de Jehová canatapishmi munana cangui.
Huauqui panicunahuan predicangapaj ña listo cashcata yuyashpaca canta yachachijman parlai. Paimi ancianocunahuan parlanga. Paicunaca canhuan tandanacushpami predicangapaj ña can listo cashcata ricungacuna.
¿Bautizaringapajca ñachu listo cani?
Bautizaringapajca caitami rurana cangui:
Huauqui panicunahuanmi ña predicaj cana cangui.
Shujtajcunaman huillangapajca tucui pudishcatami rurana cangui.
‘Alli cazuj alli yuyaiyuj sirvijtami’ apoyana cangui. Paicuna cushca instruccioncunatapishmi cazuna cangui (Mateo 24:45-47).
Jehová Diosman mingarishpaca “canllatami tucui vida sirvisha” nishpami mañana cangui.
Bautizaringapaj ña listo cashcata yuyashpaca canta yachachijman parlai. Paimi ancianocunahuan parlanga. Paicunaca canhuan tandanacushpami bautizaringapaj ña can listo cashcata ricungacuna.
