YACHAI 53
Diosta cushichingapaj alli diversioncunata agllai
Jehová Diosca “cushi” Diosmi can (1 Timoteo 1:11, NWT). Paica ñucanchijcuna cushilla causachunmi munan. Shinallataj trabajashpapish o imata rurashpapish tiempota llujchishpa samarichunmi munan. Cai yachaipica samaricuj rato cushilla sintiringapaj imallata rurana cashcata, chai ruraicunata rurashpa Jehová Diostapish cushichi tucushcatami ricushun.
1. ¿Diversioncunata agllagricushpaca imapitaj yuyana canchij?
Samaringapajca huaquincunaca huasipi saquirishpami librota liyinata, musicata uyanata, shuj peliculata ricunata o Internetpi pasanata munancuna. Shujtajcunaca amigocunahuanmi paseanaman rinata, nadanata o pugllanata munancuna. Imata rurashpapish ‘Amitopaj ñaupajpi ñucanchij rurashcacuna alli cashcatami’ ricurana canchij (Efesios 5:10, NWT). ¿Caita ruranaca imamantataj importante can? Achca gentecunaca macanacunahuan, huainayanahuan, brujeriahuan chagrurishca cosascunahuanmi divertirincuna. Pero chaicunataca Jehová Diosca mana munanchu (Salmo 11:5-ta liyipai). ¿Alli diversioncunata agllangapajca imataj ayudanga?
Jehová Diosta cꞌuyaj amigocunata agllajpica paicunaca alli diversioncunata agllachunmi ayudanga. Yachai 48-pi yachashca shinaca “yachaisapacunahuan tandanacujca, yachaisapami tucun”. Pero Jehová Diospaj mandashcacunata mana respetajcunahuan tandanacujca, “jatun llaquipimi urman” (Proverbios 13:20).
2. ¿Diversioncunapica imamantataj mana yalli tiempota pasana canchij?
Alli diversioncunata agllashpapish chaicunapi ama yalli tiempota pasangapajmi cuidadota charina canchij. Chaicunapi yallitaj pasashpaca importante ruraicunapajca mana suficiente tiempota charishunchu. Bibliapica: “Cancunapaj tiempota alli aprovechaichij” ninmi (Efesios 5:15, 16-ta liyipai, NWT).
ASHTAHUAN YACHAI
Diversioncunata alli agllangapaj imata rurana cashcata ricushun.
3. Llaquichij diversioncunamanta caruyai
¿Imamantataj diversioncunataca alli agllana canchij? VIDEOTA ricui. Qꞌuipaca cai catij tapuicunatami yachashun:
-
Ñaupa tiempopica huaquin cꞌaricunaca huañuchishpami pugllajcuna carca. ¿Cunan tiempopi tiyaj pugllaicunaca chai pugllaicunahuanca imapitaj igual can?
-
¿Videopi ricurij jovenca pugllaicunamantaca imatataj intindirca?
Romanos 12:9-ta liyipai. Qꞌuipaca cai catij tapuitami yachashun:
-
¿Cai versoca diversioncunata alli agllangapajca ima shinataj ayudan?
¿Imacunallatataj Jehová Diosca pꞌiñan? Proverbios 6:16, 17 y Gálatas 5:19-21-ta liyipai. Qꞌuipaca cai catij tapuitami yachashun:
-
Cai versocunapi nishca shinaca ¿divirtiringapajca huaquincunaca imatataj ruran?
¿Alli diversioncunata agllangapajca imatataj rurana cangui?
Cashna tapuri:
-
¿Ima layataj can? ¿Jehová pꞌiñashca ruraicunahuanchu chagrurishca can?
-
¿Ima hora? ¿Importante ruraicunata rurachunchu jarcan?
-
¿Pihuan? ¿Diosta mana cꞌuyajcunahuanchu yalli tiempota pasasha?
Shuj llaquipi ama urmangapajca chaimantaca utcami caruyanchij. Chashnallatajmi mana alli diversioncunamantaca utca caruyana canchij.
4. Tiempota alli aprovechai
VIDEOTA ricui. Qꞌuipaca cai catij tapuitami yachashun:
-
Videopi ricurij jovenca ima mana allita mana ruracushpapish, ¿imapitaj tiempota yalli ocupacurca?
Filipenses 1:10-ta liyipai. Qꞌuipaca cai catij tapuitami yachashun:
-
¿Diversioncunapi mashna tiempota pasana cashcata decidingapajca ima shinataj cai versocunaca ayudan?
5. Alli diversioncunata agllai
Jehová Diospajca huaquin diversioncunaca mana allichu can. Shinapish shujtaj diversioncunaca allimi can. Ñucanchijca chai alli diversioncunata agllashpaca cushillami sintirishun. Eclesiastés 8:15 y Filipenses 4:8-ta liyipai. Qꞌuipaca cai catij tapuitami yachashun:
-
¿Ima alli diversioncunatataj munangui?
Alli diversioncunata agllashpaca cushillami sintirishun.
HUAQUINCUNACA: “Brujeriahuan, macanacunahuan, huainayanahuan chagrurishca diversioncunaca, ¿ciertochu mana alli can? Chaicunata ruranami mana alli can” nincunami.
-
¿Canca imatataj yuyangui?
YUYARISHUNCHIJ
Jehová Diosca alli diversioncunata agllashpa cushilla pasachunmi munan.
Yuyaringapaj tapuicuna
-
¿Diosta sirvijcunaca ima laya diversioncunamantataj caruyanchij?
-
¿Diversioncunapi ama yalli tiempota pasangapajca imamantataj cuidadota charina canchij?
-
¿Jehová Dios munashca diversioncunataca imamantataj agllasha ningui?
CAICUNATAPISH RICUI
¿Can ima shina divirtirinataca pitaj agllana can?
Alli diversioncunata agllangapaj ima rurana cashcata yachai.
“¿Diversioncunataca allichu agllacuni?” (Huillaj, 15 de octubre de 2011)
“Shujtajcunata pꞌiñanatami saquircani” nishca partepi shuj runa huaquin diversioncunata imamanta saquishcata yachai.
“Bibliata yachashpami cambiashcacuna” (Huillaj, 1 de febrero de 2010)
Brujeriahuan chagrushca videota ama ricungapaj shuj huarmi imata rurashcata ricui.
Brujeriahuan chagrushca diversioncunamanta caruyashunchij (2:02)
Puede que también le interese
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
