Shujtajcunamantaca ima malta mana yuyanachu cangui. ‘Cai huauqui panica Diostaca mana tucui shunguhuan sirvicunchu’ nishpaca mana yuyanachu cangui. Consejana cajpipish paicuna ima allita rurashcamantami puntaca felicitanaraj cangui.

Minishtirijllapimi problemacunamanta, llaquicunamantaca parlana cangui. Llaqui solomanta parlanapaj randica chai llaquita ima shina allichinatami huillana cangui. Shinallataj alli cosascunamanta parlashpami animachina cangui.

Bibliahuan alli yachachi. Yayitu Dios ñucanchijmanta imata rurashcata, imata ruracujta, imata ruragrijta ricuchishpami animana cangui.