PARTE 4
Satanasta uyashcamantaca ¿imataj tucurca?
Diosta mana cazushcamantami Adanpish Evapish huañurca Génesis 3:6, 23
Eva huarmica culebrata cazushpami ama micunguichu nishca yuramanta micurca. Qꞌuipa, Adanman cujpica paipish micurcami.
Chaita ruranaca juchami carca. Chaimantami Diosca Adanta Evatapish paraisomanta llujshichirca.
Paicunapajpish huahuacunapajpish causaica sinchimi tucurca. Qꞌuipaca yuyajyarcacuna, huañurcacunapishmi. Ni jahua pachaman, ni shujtaj ladoman mana rircachu. Paicunaca tucurircami.
Huañushcacunaca ñutu allpami tucun. Imata mana rurai tucunchu Génesis 3:19
Adanpaj Evapaj huahuacuna cashcamantami tucuicuna huañunchij. Huañushcacunaca mana ricunchu, mana uyanchu, imatapish mana rurai tucunchu (Eclesiastés 9:5, 10).
Gentecuna huañuchunca Jehová Diosca mana munarcachu. Huañushcacunamanca ñallami cutin causaita cunga. Jehovata cazushpaca manataj huañungacunachu. Huiñaitami causangacuna.
Caitapish yachai
BIBLIAMANTA IMPORTANTE YACHAICUNA
¿Huañushpaca imashi tucunchij?
Shamuj punllacunapica Lázaro causarishca shinallataj tucui huañushca gentecuna causarinatami Bibliapica yachachin.
BIBLIAMANTA IMPORTANTE YACHAICUNA
¿Diosca imamantataj llaquicuna tiyachun saquin?
Bibliami cai tapuita cutichishpa cushichin.
