PARTE 9
Allpaca ¿ima punllashi shuj paraíso tucunga?
Reino ña chayamucushcatami cunan punlla llaquicunaca ricuchin Lucas 21:10, 11; 2 Timoteo 3:1-5
Achca huatacuna huashamanmi cunan tiyashca llaquicunamanta Bibliaca huillarca. Huahuacuna yaya mamata mana cazunata, gentecuna millai canata, cullquillata, aicha munaillata cꞌuyajcuna canatapish.
Shinallataj, allpa chujchuicuna, macanacuicuna, yaricaicuna, achca ungüicuna tiyanatapishmi huillarca. Cunan punllacunami chaita ricunchij.
Diospaj Reinomanta alli huillaicuna muyundij Allpaman chayana cashcatami Jesusca huillarca (Mateo 24:14).
Diospaj Reinomi tucui millaicunata tucuchinga 2 Pedro 3:13
Jehová Diosca ñallami tucui millai gentecunata tucuchinga.
Satanaspish supaicunapish tucuchishcami canga.
Diosta cazuj gentecunaca cꞌuyaita ricuchishpa, allita rurashpa, imatapish mana manchashpa casillami causanga. Tucuicunami paicunapura alli apanacunga.
Caitapish yachai
LIBROCUNA FOLLETOCUNAPISH
¿Diospaj Mandanaca imataj can?
Jesús Allpapi cashpaca, Diospaj Mandana imata rurana cashcatami ricuchirca.
LIBROCUNA FOLLETOCUNAPISH
¿Llaquilla causaica tucuringachu?
Mana allita rurajcunataca Diosca pꞌiñanmi, allita rurajcunataca Diosca cuidanmi nishpami Bibliaca yachachin. ¿Caita yachashpaca ima shinataj sintiringui?
