Shungumantami cantaca cˈuyani
1. Cˈuyashca ñuca huarmiculla
canca Dios cushca bendicionmi cangui.
Canhuan shuj shinalla tucushpami
cunanca yallitaj cushicuni.
(CORO)
Quimsata caupushca huasca shinamari
Jehovahuan shujlla
tucushun.
Paita cazushpallami cushilla causashun.
Chaimi shungumanta cˈuyanacushun.
Shungumanta.
Shungumanta.
2. Sinchi llaquicuna,
problemacuna ricurijpipish
ishquindijmi alli chˈimbapurashun.
Ima horapish canhuanmi casha.
Mana saquishachu.
(CORO)
Quimsata caupushca huasca shinamari
Jehovahuan shujlla
tucushun.
Paita cazushpallami cushilla causashun.
Chaimi shungumanta cˈuyanacushun.
Shungumanta.
Shungumanta.
(SHUJTAJ TONO)
Ima llaquicunapish
ñucanchijtaca mana caruyachingachu.
Ñucanchijca shuj aichallami canchij.
Ñuca cˈuyashcalla canca yachaisapa,
tucuita alli ruraj, llaquijmi cangui.
Cantaca manataj saquishachu.
3. Huatacuna pasajpipish
ñucanchij cˈuyaica mana tucuringachu.
Tucui causaipimi canta cuidasha.
Cantaca punllantami cushichisha
ñuca cˈuyashca huarmilla.
(CORO)
Quimsata caupushca huasca shinamari
Jehovahuan shujlla
tucushun.
Paita cazushpallami cushilla causashun.
Chaimi shungumanta cˈuyanacushun.
Shungumanta.
Shungumanta.
Chaimi shungumanta cˈuyanacushun.
Shungumanta.
