¿Huillaj revistacunapi imalla yachachishcacunata yuyaringuichu?

¿Yayitu Diosta mañashpa, Bibliata estudiashpa, estudiashcapi yuyashpaca ima shinataj beneficiarishun?

Ñucanchijca alli decisioncunatami agllashun, alli yachachijcunami cashun, sinchi fetapishmi charishun, Jehová Diostapishmi ashtahuan cꞌuyashun (w22.01, páginas 30 y 31).

¿Jehová Diospi, pai churashca pushajcunapica imamantataj confiana canchij?

Jehová Diosca ñucanchijman instruccioncunata cungapajca pushaj huauquicunatami utilizacun. Chaimantami cunanmanta Yayitu Diospi, ancianocunapi confiashpa catina canchij. Chaita rurashpaca Jatun llaqui punllacunapica mushuj instruccioncunata mana intindishpapish chaitatajmi pajtachishun (w22.02, páginas 4 a 6).

¿Zorobabel maquipi charicushca plomadaca imatataj ricuchisha nirca? (Zacarías 4:8-10).

Shuj plomadaca patacunata alli, rectota shayachingapajmi can. Shinaca cai plomadaca Diospaj templota cutin alli shayachinatami ricuchirca. Cai templo Salomonpaj templo shina mana cajpipish, Jehová Diosca chai mushuj templopi pai munashca shina adorachunmi munarca (w22.03, páginas 16 y 17).

¿Ñucanchij shimicunahuan shujtajcunapaj alli ejemplo cangapajca imatataj rurana canchij? (1 Timoteo 4:12).

Respetohuan, cꞌuyaihuanmi predicana canchij. Tandanacuipi cushicuihuanmi cantana, participana canchij. Mana llullanachu canchij. Shujtajcunatapishmi animana canchij (w22.04, páginas 6 a 9).

¿Canchis umacunayuj jatun animalca imatataj ricuchin? (Apocalipsis 13:1, 2).

Canchis umacunayuj jatun animalca cai Allpapi tiyaj tucui gobiernocunatami ricuchin (w22.05, página 9).

¿Jehová Dios alli juzgai pudishcapi confiashcataca ima shinataj ricuchinchij?

Maijanpish ñucanchijta jatunta llaquichijpipish paita perdonanatami decidi tucunchij. Resentidos o pꞌiñarishcaca mana saquirinachu canchij. Shujtajcunata perdonashpaca Jehová Dios paicunata juzgachunmi saquicunchij. Ashtahuancarin paica ñucanchijtami bendicianga (w22.06, páginas 10 y 11).

¿Shuj huauquica tandanacuipica ima shinataj Diosta mañana can?

Diosta mañacushpaca pita mana consejanachu can, ima anunciotapish mana ninachu can (Mateo 6:7) (w22.07, páginas 24 y 25).

¿“Mana allita rurajcunaca juzgashca cangapajmi causaringacuna” nishpaca imatataj nisha nin? (Juan 5:29).

Mana allita rurajcuna huañushpaca paicunapaj juchacunamantami ña perdonashca cancuna. “Paicuna juzgashca cangapaj causaringacuna” nishpaca paicuna causarishca qꞌuipa Diosta cazusha nishcata o mana cazusha nishcata Jesús ricunatami nisha nin w22.09, página 18).

¿1922 huatapaj septiembre quillapi tiyashca asambleapica huauqui Joseph Rutherfordca imata rurachuntaj animarca?

Estados Unidos, Cedar Point, Ohio llajtapi tiyashca asambleapica: “Jesusca ñami mandacun, cancunami paimanta huillana canguichij. Chaimanta huillaichij, huillaichij Jesús rey cashcata, paipaj Gobiernomantapish huillaichij” nircami (w22.10, páginas 3 a 5).

¿Isaías 30-pi nishca shinaca Diosca cushilla ahuantashpa catichunca ima shinataj ñucanchijta ayudan?

Chai capitulopica Jehová Dios ñucanchij mañashcacunata alli uyaj, cutichij cashcata, ñucanchijman yachachij cashcata, bendiciaj cashcatapishmi yachachin (w22.11, página 9).

¿Salmo 37:10, 11, 29-pi tiyaj shimicunaca ñaupa tiempopipish pajtarishcata, shamuj punllacunapipish pajtarinataca ima shinataj yachanchij?

Cai shimicunaca rey Salomón mandacui horas sumaj causai tiyajpimi pajtarirca. Ashtahuancarin Jesusca verso 11-manta parlashpaca cai shimicuna Paraíso Allpapipish pajtarinatami ricuchirca (Mateo 5:5; Lucas 23:43) (w22.12, páginas 8 a 10, 14).