MATEO libropica: “Diospaj huasiman Jesús yaicushpaca, cꞌatucujcunata, randicujcunatapish tucuicunatami llujshichishpa cacharca. Cullquita cambiajcunapaj mezacunatapish, palomacunata cꞌatujcuna tiyarinacunatapish tꞌangashpa pambaman shitashpaca Jesusca: ‘Dios Quillcachishcapica: ‘Ñuca huasica, ñucata mañana huasimi canga’ ninmi. Ashtahuanpish cancunaca shuhuacunapaj jutcutamari rurashcanguichij’ nircami” ninmi (Mateo 21:12, 13).

Diospaj huasipi cꞌatujcunaca yallitajmi cobrajcuna carca. Por ejemplo, judiocuna escribishca shuj libropica: ‘Primer siglopica ishqui palomacunataca shuj oro denariopimi cꞌatujcuna carca’ ninmi. Shuj oro denariota ganangapajca 25 punllacunatami trabajana carca. Leypi nishca shinaca pobrecunaca palomacunata, mana cashpaca urpicunatami Diosman cui tucurcacuna. Pero chai tiempopi yallitaj caro cashcamantami pobrecunaca ishqui palomacunallatapish mana randi tucurcacuna (Levítico 1:14; 5:7; 12:6-8). Yallitaj caropi cꞌatucushcata yachashpaca Simeón ben Gamaliel nishca runaca achcatami pꞌiñarirca. Chaimantami gentecunamanca ‘cancunata mañashca sacrificiocunataca ña mana tucuita cunachu canguichij’ nirca. Chai qꞌuipaca ishqui palomacunata randingapajca quimsa horacunallatami trabajana carca.

Caipi yachashca shinaca templopi cꞌatujcunaca paicunalla charinata munajcuna, gentecunata llaquichijcunami carca. Chaimantami Jesusca ‘shuhuacunami’ canguichij nishpa rimarca.