Diosca mañashcacunata uyanmi. Bibliapica: ‘Jehová Diosca tucui paita mañajcunapaj cꞌuchullapimi. Tucui shunguhuan paita mañajcunapaj cꞌuchullapimi. Paicuna caparishpa mañashcataca uyangami’ ninmi (Salmo 145:18, 19, NWT ).

Diosca paita mañachunmi munan. Bibliapica: “Diosta mañacushpaca paiman tucuita huillaichij. Tucui imamantapish Diosta mañashpaca pagui nichij” ninmi (Filipenses 4:6).

Diosca canmantami sustarin. Diosca can ima llaquicunata charishcata, imamanta sustarishcataca allimi yachan. Chaimantami ayudasha nin. Bibliapica: ‘Diosmi cantaca cuidacun. Chaimanta ima llaquicuna yuyailla canataca paiman mingai’ ninmi (1 Pedro 5:7).