Huaquinpica imata estudiashcata yuyarinaca asha sinchimi can. Pero Jesús parlashca chꞌimbapuraicunata yuyarinaca jahuallami can. ¿Imamanta? Ñucanchij yuyaipi dibujashca shina charishcamantami chaicunataca jahualla yuyarinchij. Chashna layallataj estudiashca qꞌuipa dibujocunata rurashpaca imalla estudiashcataca jahuallami yuyarishun.

Imalla estudiashcamanta dibujocunata rurajcunaca importante yuyaicunata, palabracunatami jahualla yuyarincuna. Alaja, sumaj dibujocunata ruranaca mana minishtirinchu. Huaquin investigajcuna nishca shinaca estudiacui horas dibujocunata ruranaca mayorlla gentecunatami ashtahuan ayudan.

Canpish Bibliata estudiacushpaca dibujocunata rurai. Chaita rurashpami importante yuyaicunata yuyaringui.