MIÉRCOLES 18 de enero de 2023-taca jw.org paginapica shuj sumaj anunciomi llujshirca. Chaipica Gage Fleegle, Jeffrey Winder huauquipish Testigo de Jehovacunapaj Cuerpo Gobernantepimi sirvingacuna nircami. Chai huauquicunaca achca huatacunatami Jehová Diostaca tucui shunguhuan sirvicushcacuna.

Huauqui Fleegleca Pennsylvania (Estados Unidos) llajtapimi huiñarca. Paipaj yaya mamami paitaca Bibliamanta yachachircacuna. Jovenraj cashpaca paipaj yaya mamahuanmi Bibliamanta ashtahuan yachachingapaj campopi causanaman rircacuna. Chai qꞌuipallami 20 de noviembre de 1988-pi bautizarirca.

Huauqui Fleeglepaj yaya mamaca Jehová Diosta tiempo completopi sirvichunmi paitaca animajcuna carca. Chaimi paicunaca superintendente de circuito huauquicunata, betelitacunatapish paicunapaj huasiman invitajcuna carca. Huauqui Fleegleca chai huauquicuna Jehová Diosta tiempo completopi cushilla sirvicushcatami ricurca. Chaimantami bautizarishca qꞌuipalla 1 de septiembre de 1989-pi precursor regular shina sirvi callarirca. Cutin Octubre de 1991-pimi Betel de Brooklynpi sirvinaman rirca. Huauqui Fleegleca Betelpi sirvinataca 12 huatacunata chari horasmantami munaj carca.

Huauqui Fleegleca Betelpica 8 huatacunatami publicacioncunata rurashpa trabajarca. Qꞌuipaca Departamento de Serviciopi trabajachunmi churarcacuna. Chai tiempopica ruso shimita parlaj congregacionpimi sirvirca. Huauqui Fleegleca 2006 huatapi Nadia shuti panihuanmi cazararca. Cazarashca qꞌuipaca ishquindijmi Betelpi sirvishpa saquirircacuna. Portugués congregacionta apoyashca qꞌuipaca español congregaciontami apoyai callarircacuna. Chaipica chunga yalli huatacunatami sirvicushcacuna. Huauqui Fleegleca achca huatacunatami Departamento de Serviciopi sirvirca. Pero qꞌuipaca  Oficina del Comité de Enseñanzapi sirvichunmi cacharcacuna. Chai huashaca Oficina del Comité de Serviciopimi sirvirca. Cutin marzo de 2022-pica Cuerpo Gobernantepi tiyaj Comité de Serviciopi ayudaj cachunmi nombrarcacuna.

Huauqui Winderca Murrieta (California) llajtapimi huiñarca. Paipaj yaya mamami paitaca Bibliamanta yachachircacuna. Chaimantami 29 de marzo de 1986-pi bautizarirca. Chai qꞌuipallami precursorado auxiliarta japirca. 1 de octubre de 1986 huatapica precursor regularmi tucurca.

Huauqui Winder huambraraj cashpaca Betelpi sirvij paipaj ishqui huauquicunatami visitanaman rirca. Paicunapaj ejemplota ricushpami Betelpi sirvingapaj solicitudta jundachinata munarca. Mayo de 1990 huatapica Wallkill Betelpi sirvichunmi paitaca invitarcacuna.

Huauqui Winderca Betelpica Departamento de Limpiezapi, Haciendapi, Betel Oficinapipishmi trabajarca. 1997 huatapimi Ángela panihuan cazararca. Chai huatamantami ishquindijcuna Betelpi sirvicushcacuna. 2014 huatapica Warwick Betelta shayachishpa ayudachunmi cacharcacuna. 2016 huatapica Pattersonmanmi rircacuna. Chaipica Servicios de Audio y Videopimi trabajarca. Chuscu huatacuna qꞌuipaca Warwick Betelmanmi tigrarcacuna. Chaipimi huauqui Winderca Comité de Personalpi sirvirca. Cutin marzo de 2022-pica Comité de Personal del Cuerpo Gobernantepi ayudachunmi churarcacuna.

Cai huauquicunataca Jehová Diosca shuj regalota shinami ñucanchijmanca cushca (Efesios 4:8). Paicunaca achcatami trabajancuna. Chaimantami Jehová Dios paicunata bendiciachun mañana canchij.