Huaquinpica Bibliata estudiangapajca ñucanchij munashca tiempotaca mana charinchijchu. Shinashpaca Bibliata estudiacushpa tiempota alli aprovechangapajca ¿imatataj rurai tucunchij? Puntapica achca informacionta utca utca liyinapaj randica asha informaciontami alli estudiai tucunchij.

Qꞌuipaca ima ashtahuan importante cashcatami estudiana cangui (Efesios 5:15, 16). Chaita rurangapajca cai catij yuyaicunami ayudanga:

• Cada punlla Bibliata liyi (Salmo 1:2). Chaipajca chaupi semana tandanacuipaj capitulocunatami liyi tucungui.

• Tandanacuicunapi comentangapajca chaipi ima yachagrishcata estudiai (Salmo 22:22). Shinallataj Huillaj revistatapish estudiai.

• Ashtahuan tiempota charishpaca revistacunata, videocunata, jw.org paginapi tiyaj informacioncunatapish estudiai.

• Can munashca temata investigai. Tal vez llaquicunata chꞌimbapurangapaj, shuj tapuimanta o Bibliamanta ashtahuan yachangapajmi investigai tucungui. Chaipajca jw.org español paginapi “Actividades para estudiar la Biblia” nishcata ricui.