Jesús paipaj causaita cushcamantami ñucanchij juchacunamanta quishpichishca cai tucunchij (Efesios 1:7). Shinapish Bibliapica: ‘Diosca ñaupa punllacunapica pacienciata charishcamantami gentecunapaj juchacunata perdonarca’ ninmi (Romanos 3:25). Cai versopi nishca shinaca Jehová Diosca Jesús paipaj causaita manaraj cujpimi juchacunata perdonarca. ¿Imamantashi chaita rurashcanga?

Jehová Diosca ‘ñucapi feta churajcunata quishpichingapajca shuj miraimi shamunga’ nircami. Chai punllamantami paipajca gentecunata ña quishpichishca shina carca (Génesis 3:15; 22:18). Shinallataj Yaya Diosca pai agllashca punllapi Jesús paipaj causaita cugrishcatapishmi seguro carca (Gálatas 4:4; Hebreos 10:​7-10). Ashtahuanpish Jesús juchacunata perdonachunca, Jehová Diosmi paipaj poderta curca. Chaimi Jesusca manaraj paipaj causaita cushpapish gentecunapaj juchacunata quishpichi tucurca (Mateo 9:​2-6).