YACHAI 35
Jehová Diosca humildecunatami cꞌuyan
‘Mandaj Diosca mana jatun tucushcatami ricun’ (SALMO 138:6).
CANTO 48 Tucui punllacuna Dioshuan purishunchij
CAITAMI YACHASHUN *
1. ¿Humildes gentecunataca Jehová Diosca ima shinataj ricun?
HUMILDES gentecunallami Diospaj amigo cai tucuncuna. Jehová Diosca humildecunataca cꞌuyaihuanmi ricun. Pero jatun tucushcataca carullamantami ricun (Salmo 138:6). Tucuicunami Yaya Diosta cushichishun ninchij. Paipaj cꞌuyaitapishmi chasquisha ninchij. Chaimantami humildes canata yachana canchij.
2. ¿Cai yachaipica ima tapuicunatataj yachashun?
2 Humildes cashpaca Jehová Diostami cushichishun. Ñucanchijpish allimi causashun (Proverbios 27:11; Isaías 48:17). Pero, ¿humildes gentecunaca ima shinataj can? ¿Imamantataj humildes cana canchij? Maipica ¿imamantataj humildes canaca sinchi can? Cai tapuicunamantami yachashun.
¿HUMILDES GENTECUNACA IMA SHINATAJ CAN?
3. ¿Humildes gentecunaca ima shinataj can?
3 Humildes gentecunaca shujtajcunata yalli cashcataca mana yuyancunachu. Bibliapica humildecunaca Jehová Dios ashtahuan yalli cashcatami yuyancuna. Shujtajcunapish paicunata yalli cashcatami yuyancuna ninmi (Filipenses 2:3, 4).
4, 5. ¿Maijancunaca humildes shina ricurishpapish imamantataj mana humildecuna can?
4 Maijancunaca ñahui ricuillapimi humildes laya cancuna. Paicunaca manchai siqui cashcamantachari mana tanto parlancuna. Mana cashpaca paicunapaj yaya mamacuna yachachishcamantachari shujtajcunata respetohuan tratancuna. Lucas 6:45).
Pero shungu ucupica jatun tucushcacunachari can. Chaimantami paicuna ima shina cashcataca shuj punlla ricuchingacuna (5 Imapish allimi llujshinga nishpa yuyajcuna, imata ninatapish mana manchaj gentecunaca mana siemprechu jatun tucushcacuna can (Juan 1:46, 47). Cashna shina gentecunaca mana paicunapaj yuyaillapichu confiarina can. Ima laya gentecuna cashpapish tucuicunami shungumanta humildes cangapaj esforzarina canchij.
Apóstol Pabloca shujtajcunata yalli cashcataca mana yuyarcachu. (Párrafo 6-ta ricui). *
6. 1 Corintios 15:10-pica ¿apóstol Pablomantaca imatataj yachanchij?
6 Apóstol Pablomanta yachashun. Jehová Diosca chꞌican chꞌican lugarcunapi congregacioncuna tiyachunmi Pablota huillanaman cacharca. Paica shujtaj apostolcunata yallimi huillashcanga. Chashnapish mana jatun tucurcachu. Pabloca: “Diospaj tandanacushca crijcunata catirashpa llaquichij cashcamantaca, caishuj apostolcunapaj qꞌuipallami cani. Apóstol nishcapish mana caipajmi cani” nircami (1 Corintios 15:9). Shinallataj Pabloca imatapish alli rurai tucushcamanta Diospaj amigo cashcataca mana yuyarcachu. Ashtahuanpish Yaya Dios cꞌuyashcamantami paipaj amigo tucushcani nircami (1 Corintios 15:10-ta liyipai). Chai punllacunaca Corinto llajtamanta huaquin huauqui panicunami paita cꞌamijcuna carca. Shinapish Pabloca mana jatun tucushpami paicunaman cartata escribishpa cacharca. Chashnami alli ejemplota curca (2 Corintios 10:10).
Huauqui Karl Kleinca humildemi carca. Paica Cuerpo Gobernantepimi sirvirca. (Párrafo 7-ta ricui).
7. ¿Huauqui Karl Kleinca ima shinataj humilde cashcata ricuchirca?
7 Huauqui Karl Kleinca Cuerpo Gobernantepi sirvijmi carca. Paipaj causaimantami achca testigocunaca yachanata munan. Huauqui Karl Kleinca achca huatacunata *
problemacunahuan causashcata, imapipish pandarijlla cashcatami huillarca. Por ejemplo, paica 1922 huatapimi huasin huasin huillai callarirca. Pero huillana sinchi ricurishcamantami ishqui huatacunata ña mana huillarca. Ña Betelpi cashpapish shuj huauqui consejocunata cujpimi shuj tiempoca colera purirca. Qꞌuipaca paitaca depresión ungüimi japirca, pero alliyarcami. Shinallataj Dios mingashca sumaj trabajocunatami pajtachirca. Caicunamanta parlashpami huauqui Karl Kleinca humilde cashcata ricuchirca. Cai huauquitaca achca huauqui panicunami cushilla yuyarincuna.¿IMAMANTATAJ HUMILDES CANA CANCHIJ?
8. 1 Pedro 5:6-pi nishca shinaca ¿humildes cashpaca pitataj cushichishun?
8 Diosta cushichinami tucuimanta yalli valishca can. Apóstol Pedro nishca shinaca humildes cashpallami Jehová Diosta cushichishun (Proverbios 23:15; 1 Pedro 5:6-ta liyipai). “Ven, sé mi seguidor” nishca libropica: “Jatun tucushpaca shuj venenota ubyacuj shinami llaquipi urmashun. Jatun tucushcacunaca imata alli rurashpapish Diospaj ñaupajpica mana imapaj sirvincunachu. Pero humildecunaca imata mana alli rurai tucushpapish Diospaj ñaupajpica valishcami can. Ñucanchijpish tucuipi humildes cajpica Diosmi bendicianga” ninmi. *
9. ¿Gentecunaca imamantataj humildecunahuan tandanacunata munancuna?
9 Humildes cajpica shujtaj gentecunaca ñucanchijhuan tandanacunatami munangacuna. Caita alli intindingapajca caipi yuyashun. ¿Ima shina gentecunahuantaj tandanacunata munanchij? (Mateo 7:12). Shujtajcuna consejocunata cujpipish paicuna munashcallata rurajcunahuanca mana tandanacunata munanchijchu. Shinapish llaquij, cꞌuyaj, humilde gentecunahuan cashpaca cushillami sintirinchij ¿nachu? (1 Pedro 3:8). Shujtajcunapish ñucanchijhuan tandanacunata munachunca humildesmi cana canchij.
10. ¿Humildes cashpaca imamantataj problemacunata ahuantashun?
10 Gentecunaca mana siemprechu cashcata rurancuna. Rey Salomonca: “Caitapishmari ricuni: Sirvij runami caballopi tiyarishca purin. Mandajcunarajmi sirvij runa shina chaquillahuan purincuna” nircami (Eclesiastés ). Cai versopi nishca shinaca, imatapish alli yachaj, alli ruraj gentecunataca mana siemprechu jatunyachincuna. Ashtahuanpish ashallata yachaj gentecunatami jatunyachincuna. Chaimantami Salomonca imapish mana pai munashca shina llujshijpi coleranapaj randica, causai chashnataj cashcata intindirca ( 10:7Eclesiastés 6:9). Salomón shina humildes cashpaca problemacuna ricurijpica causai chashnataj cashcatami intindishun. Chaimantami problemacunata ahuantai tucushun.
¿MAIPICA IMAMANTATAJ HUMILDES CANACA SINCHI CAN?
¿Pi consejota cujpica imamantataj humildes canaca sinchi can? (Párrafos 11 y 12-ta ricui). *
11. ¿Pi consejota cujpica imatataj rurana canchij?
11 Pi ñucanchijman consejota cujpica humildesmi cana canchij. Por ejemplo, ñucanchij mana allita ruracujta ricushpachari pi consejota cunga. Pero imapi pandarishcata mana utca cuentata cushpaca paipaj consejotaca manachari alli chasquishun. Ashtahuancarin paipish pandarinllami, ñucamanca mana chashna consejota cunachu can nishpachari rimarishun. Shinapish humilde cashpaca paipaj consejotami cazushun.
12. Proverbios 27:5, 6-pi nishca shinaca ¿pi consejota cujpica imamantataj agradicina canchij? Shuj ejemplomanta parlai.
12 Humildes gentecunaca shujtajcuna consejota cujpica allimi chasquincuna. Caipi yuyashun. Canchari Tandanacuna Huasipi shujtaj huauqui panicunahuan parlanacucungui. Shuj huauquichari shamui cashnaman nishpa canta cayan. Paica: “Cambaj shimipimi micuna saquirishca, pꞌichari” nishpachari consejan. Chashna nijpica pingarishcachari sintiringui. Pero huillashcamantami pagui ningui. Utcaman huillajpica allichari canman nishpachari yuyangui. Ñucanchijpish shuj huauqui mana manchashpa consejota cujpica allimi chasquina canchij. Pꞌiñashcamantami chashna consejan nishpaca mana yuyanachu canchij. Chaipaj randica shuj amigo shina cꞌuyaimanta consejota cushcatami yuyana canchij (Proverbios 27:5, 6-ta liyipai; Gálatas 4:16).
¿Shujtajcuna Dios mingashca trabajota chasquijpica imamantataj humildes cana canchij? (Párrafos 13 y 14-ta ricui). *
13. ¿Shujtajcuna Dios mingashca trabajota chasquijpica ima shinataj humilde cashcata ricuchishun?
13 Shujtajcunaman congregacionpi shuj trabajota mingajpica humildesmi cana canchij. Huauqui Jasonca ancianomi can. Paica: “Congregacionpi shujtajcunaman shuj trabajota mingajpica ¿ñucamanca ima nishpataj chai trabajotaca mana cun?” nishpami huaquinpica tapurini ninmi. ¿Ñucanchijpish maipica pai shinachu sintirishcanchij? Jehová Diosta ashtahuan sirvinaca allimi can 1 Timoteo 3:1). Pero ama jatun tucungapajmi cuidarina canchij. Por ejemplo, shuj huauquica cai trabajotaca ñucallami alli rurai tucuni nishpami yuyai tucun. Cutin shuj panica ñuca cusallami shujtaj turicunatapish yalli cai trabajotaca alli pajtachi tucun nishpami yuyai tucun. Shinapish humilde cashpaca mana chashna yuyashunchu.
(14. a) ¿Shujtajcuna Dios mingashca trabajota chasquijpica Moisesca ima shinataj sintirirca? b) ¿Moisesmantaca imatataj yachanchij?
14 Israel llajtapi shujtajcuna Dios mingashca trabajota chasquijpi, Moisés imata rurashcata yachashun. Israel llajtata mandanami Moisespajca valishca carca. Pero paita ayudachun Jehová Dios shujtaj israelitacunaman espíritu santota cujpica ¿Moisesca ima shinataj sintirirca? Mana pꞌiñarircachu (Números 11:24-29). Shujtaj cutinca Moisesca humilde cashcamantami shujtajcunapish juezcuna cachun saquirca (Éxodo 18:13-24). Achca juezcuna tiyashcamantami ima problemacunatapish rato allichi tucurcacuna. Chaimantami israelitacunaca mana achcata shuyana carcacuna. Moisespajca israelitacunata ayudanami ashtahuan importante carca. Paica ñucanchijmanca alli ejemplotami cushca. Jehová Dios humilde gentecunata paita sirvichun agllashcatami yuyaipi charina canchij. Salmo 138:6-pi nishca shinaca: ‘Mandaj Diosca mana jatun tucushcatami ricun’.
15. ¿Achca huauqui panicunaca ima cambiocunatataj charishcacuna?
15 Cambiocuna tiyajpica humildesmi cana canchij. Achca huauqui panicunami Dios mingashca trabajocunataca achca huatacunata pajtachishcacuna. Shinapish shujtaj trabajocunatami chasquishcacuna. Por ejemplo, 2014-pica superintendente de distrito huauquicunaman, paicunapaj huarmicunamanpish shujtaj trabajotami mingashcacuna. Chai huatallapitajmi superintendente
de circuito huauquicunapish 70 huatacunata charishpaca chashna shina trabajocunata saquina carcacuna. 80 yalli huatayuj huauquicunapish ancianocunata pushaj canatami saquina carcacuna. Shinallataj sarun huatacunaca huaquin betelitacunatapish precursorcuna tucuchunmi invitashcacuna. Cutin shujtajcunaca ungüimanta, familiacunata cuidanamantami tucui punllacuna Diosta sirvinata saquishcacuna.16. ¿Maijan huauqui panicunaca ima shinataj humilde cashcata ricuchishcacuna?
16 Maijan huauqui panicunaca achca tiempotami Dios mingashca trabajota pajtachishcacuna. Chai trabajota pajtachinata achcata munashcamantami shujtaj trabajota mingajpica llaquilla sintirishcacuna. Pero tiempohuanca chai mushuj trabajopimi amañarishcacuna. ¿Imamanta? Paicunaca mana shuj lugarpi Dios mingashca trabajota pajtachishcamantachu Diosta sirvincuna. Ashtahuanpish Diosta cꞌuyashcamanta, paicunapaj causaita Diosman mingashcamantami paita sirvincuna. Chaimantami amañarishcacuna (Colosenses 3:23, NM). Cai huauqui panicunaca ima trabajota mingajpipish humilde shunguhuanmi pajtachishpa causancuna. Shinallataj Jehová Dios paicunata cuidacushcata yachashcamantami ima llaquicunatapish paiman mingancuna (1 Pedro 5:6, 7).
17. ¿Imamantataj humildes cana canchij?
17 Humildes cashpaca allimi causashun. Shujtajcunahuanpish allimi apanacushun. Humildes cashpallami problemacuna ricurijpipish jahualla chꞌimbapurai tucushun. Ashtahuancarin Jehová Diospajmanmi cꞌuchuyashun. Tucuita yalli jatun Jehová Diospish ñucanchij humilde cajpica achcatami cꞌuyanga. Chaimantami Bibliapi humildes cana cashcata yachachijpi cushilla sintirinchij (Isaías 57:15).
CANTO 45 Ñuca shungupi yuyarishcacuna
^ par. 5 Diosta sirvijcunaca humildesmi cana canchij. Pero ¿humildes gentecunaca ima shinataj can? ¿Imamantataj humildes cana canchij? ¿Ima cambiocuna tiyajpipish imamantataj humildes cangapaj esforzarina canchij? Cai tapuicunamantami yachashun.
^ par. 7 La Atalaya del 1 de marzo de 1985-pi “Jehová me ha tratado recompensadoramente” nishcata españolpi ricui.
^ par. 8 Ven, sé mi seguidor nishca libropi capítulo 3, párrafo 23-ta ricui.
^ par. 53 FOTOCUNAMANTA: Apóstol Pabloca shujtaj huauqui panicunahuanmi Diosta sirvij runapaj huasipi cushilla can. Paicunahuan cashpa, huahuacunahuan cashpaca shujtajcunata yalli cashcataca mana ricuchinchu.
^ par. 57 FOTOCUNAMANTA: Shuj joven huauqui Bibliahuan consejota cujpimi shuj mayorlla huauquica alli chasquicun.
^ par. 59 FOTOCUNAMANTA: Congregacionpi shuj joven huauqui Dios mingashca trabajota pajtachicujpica mayorlla huauquica mana pꞌiñarinchu.