YACHAI 38
Ñucapajman shamuichij, cancunataca samachishami
“Tucui imalla ruranacunahuan shaicushcacuna, aparishcacuna tucuicuna ñucapajman shamuichij. Ñucami cancunataca samachisha” (MATEO 11:28).
CANTO 17 ‘Ayudasha ninimi’
CAITAMI YACHASHUN *
1. Mateo 11:28 al 30-pica ¿Jesusca imatataj nirca?
JESUSCA achca gentecunapaj ñaupajpimi: “Ñucapajman shamuichij. Ñucami cancunataca samachisha” nirca (Mateo 11:28-30-ta liyipai). Jesús nishcacunaca mana yangachu carca. Cunanca shuj ungushca huarmita Jesús ima shina jambishcata ricushun.
2. ¿Jesusca shuj ungushca huarmitaca ima shinataj ayudarca?
2 Ungushca huarmica paita pi utca ayudachunmi minishtirca. Alliyangapaj jambijcunapajman rishpapish 12 huatacunatami ungushca causarca. Chai punllacunapica leypi nishca shinaca cai huarmica mapami carca (Levítico 15:25). Pero Jesús ungushcacunata jambij cashcata yachaj chayashpaca paita mashcanamanmi rirca. Jesusta ricushpaca huasha ladota rishpami paipaj churana puntapi tuparirca. Tuparishpaca chai ratomi alliyarca. Jesusca cai huarmitaca mana jambishpallachu cacharca. Ashtahuanpish “huahua” nishpami cꞌuyaihuan, respetohuan tratarca. Chashna tratajpica huarmica cushilla, tranquilami sintirishcanga (Lucas 8:43-48).
3. ¿Cai yachaipica ima tapuicunamantataj yachashun?
3 Caipi yuyashun. Ungushca huarmica alliyangapajca paimi Jesusta mashcanaman rirca. Ñucanchijpish Jesuspajman cꞌuchuyangapajmi esforzarina canchij. Cunan punllacunapica Jesusca ungushcacunataca mana jambinchu. Pero paica: “Ñucapajman shamuichij. Ñucami cancunataca samachisha” nishpami invitacun. ¿Jesuspajman cꞌuchuyangapajca imatataj rurana canchij? ¿Paipaj yugota aparina nishpaca imatataj nisha nicun? ¿Jesusmantaca imatataj yachacunchij? ¿Pai
mingashcata pajtachishpaca imamantataj samarishca shina sintirishun? ¿Paipaj yugota aparishpa cushilla causangapajca imatataj rurana canchij? Cai yachaipimi cai tapuicunamanta yachashun.“ÑUCAPAJMAN SHAMUICHIJ”
4, 5. ¿Jesuspajman cꞌuchuyangapajca imallatataj rurana canchij?
4 Jesuspajman cꞌuchuyangapajca Bibliapimi pai imalla rurashcata, imalla yachachishcata estudiana canchij (Lucas 1:1-4). Shinallataj paipaj ejemplota catishpami bautizarina canchij.
5 Jesuspajman cꞌuchuyangapajca ancianocuna ayudachunpishmi mañana canchij. Paicunaca Jesús cushca regalomi can. Jesusca ñucanchijta cuidachunmi ancianocunaman mingashca (Efesios 4:7, 8, 11; Juan 21:16; 1 Pedro 5:1-3). Pero ancianocunaca ñucanchij ima shina yuyashcata, imata minishtishcataca mana yachai tucuncunachu. Chaimantami ñucanchijraj paicunataca ayudahuai nishpa mañana canchij. Huauqui Julianca: “Betelpi sirvinataca ungüimantami saquircani. Shuj amigoca ancianocuna canta visitanaman shamuchun mañai nircami. Callaripica chaita mana minishtishcatami yuyarcani. Pero qꞌuipaca ancianocuna visitachunmi mañarcani. Chai visitaca valishca regalomi carca” ninmi. Julianta ayudashca shinallatajmi ancianocunaca ñucanchijtapish Jesús yuyashca shina yuyachun ayudancuna (1 Corintios 2:16; 1 Pedro 2:21). Chashna ayudashpaca ancianocunaca shuj sumaj regalota cucuj shinami can.
‘ÑUCA YUGOTA APARICHIJ’
6. ¿Jesusca ‘ñuca yugota aparichij’ nishpaca imatataj nisha nicurca?
6 Jesusca ‘ñuca yugota aparichij’ nishpaca paita cazuna cashcatachari nisha nicurca. Shinallataj paihuan tandalla Jehová Diospaj trabajana cashcatachari nisha nicurca.
7. a) Mateo 28:18 al 20-pi nishca shinaca ¿Diosca imatataj mingashca? b) ¿Imatataj tucui shunguhuan crina canchij?
7 Jesusca ñucapajman shamuichij nishpami tucuicunata invitacun. Jehová Diosta tucui shunguhuan sirvisha nijcunataca siempremi chasquinga. Jehovaman mingarishpa, bautizarishpami Jesuspaj invitacionta chasquinchij (Juan 6:37, 38). Jehová Diosca Jesusmanmi alli huillaicunata yachachichun mingashca. Jesusta catijcunapish cai valishca trabajotami pajtachi tucunchij. Chaipajca Jesús ayudanatami tucui shunguhuan crina canchij (Mateo 28:18-20-ta liyipai).
ÑUCAMANTA YACHAICHIJ
Jesús shinallataj shujtajcunata animashunchij (Párrafos 8 al 11-ta ricui). *
8, 9. a) ¿Humildecunaca imamantataj Jesuspajman cꞌuchuyanata munarcacuna? b) ¿Ima tapuicunapitaj yuyana canchij?
8 Humilde gentecunaca Jesuspajman cꞌuchuyanatami munarcacuna (Mateo 19:13, 14; Lucas 7:37, 38). ¿Imamantataj cꞌuchuyanata munarcacuna? Jesusca mana fariseocuna shinachu carca. Fariseocunaca jatun tucushcacunami carca (Mateo 12:9-14). Cutin Jesusca cꞌuyaj, humildemi carca. Fariseocunaca paicunallapi yuyashpami rijsishca canata munarcacuna. Pero Jesusca paita catijcunamanca humildecuna cachun, shujtajcunata sirvichunmi yachachirca (Mateo 23:2, 6-11). Fariseocunaca shujtajcunata manchachishpami mandaj carca (Juan 9:13, 22). Cutin Jesusca alaja shimicunahuan parlashpami shujtajcunata cushichij carca.
9 ¿Ñucapish Jesuspaj ejemplotachu caticuni? ¿Gentecunaca ñucamanta parlashpaca paica mana utca pꞌiñarij, humildemi can nincunachu? ¿Shujtajcunata sirvingapajca
humilde trabajocunata rurashpachu ayudani? ¿Gentecunataca cꞌuyaihuanchu tratani? nishca tapuicunapimi yuyana canchij.10. ¿Jesusca paipaj discipulocunataca ima shinataj tratarca?
10 Jesusca paipaj discipulocunataca tranquilo, alli sintirichunmi ayudarca. Shinallataj cushicushpami paicunaman yachachirca (Lucas 10:1, 19-21). Jesusca tapuicunatapish rurachun, ima shina yuyashcatapish huillachunmi animarca (Mateo 16:13-16). Caipi yuyashun. Invernadero ucupi plantacunaca sumajta sisashpami alli granota pꞌucuncuna. Chashnallatajmi Jesusca paipaj discipulocunata alli tratarca. Chaimantami paipaj yachachishcacunata intindishpa, alli granota pꞌucuj shina allicunata rurarcacuna.
Shujtajcunahuan amigos tucushunchij
Cushilla predicashunchij
Humilde shunguhuan trabajashunchij *
11. ¿Imatataj tapurina canchij?
11 Fariseocunaca paicunata tapujpica colerajcunami carca. Paicuna shina mana yuyajpica gentecunatapish llaquichijcunami carca. Ñucanchijca mana fariseocuna shinachu cana canchij (Marcos 3:1-6; Juan 9:29-34). Autoridadta charishpaca: “¿Trabajopi, huasipica ima shinataj shujtajcunata tratani? ¿Paicunahuanca sumajtachu cainani? ¿Shujtajcuna ñucata tapuicunata rurachunchu animani? ¿Paicuna ima shina yuyashcata huillajpica atentochu uyani?” nishpami tapurina canchij.
‘SAMARINATAMI JAPINGUICHIJ’
12-14. ¿Jesús mingashcata pajtachishpaca imamantataj samarishca shina sintirishun?
12 ¿Jesús mingashcata pajtachishpaca imamantataj samarishca shina sintirishun? Huaquin yuyaicunata ricushun.
13 Alli pushajcunatami charinchij. Jehová Diosca jatun Mandaj cashpapish mana millai canchu. Ashtahuanpish ñucanchij trabajotaca achcatami valichin (Hebreos 6:10). Pai mingashcata pajtachingapajpish fuerzata cushpami ayudan (2 Corintios 4:7; Gálatas 6:5). Shinallataj mandaj Jesusca shujtajcunata alli tratachunmi alli ejemplota cushca (Juan 13:15). Ñucanchijta cuidaj ancianocunapish Jesuspaj ejemplotami catincuna (Hebreos 13:20; 1 Pedro 5:2). Paicunaca animangapaj, yachachingapajmi esforzarincuna. Shinallataj mana manchashpami cuidancuna.
14 Alli amigocunatami charinchij. Cai mundopi caj gentecunaca mana ñucanchij shina alli amigocunata charincunachu. Valishca trabajocunatapish mana charincunachu. Caipi yuyashun: Ñucanchijca alli huauqui panicunahuanmi trabajanchij. Paicunaca mana shujtajcunata yalli cashcata yuyancunachu. Imata alli ruranata yachashpapish humildecunami can. Ashtahuancarin ñucanchijtaca shuj compañero cashcallataca mana yuyancunachu. Alli amigocuna cashcatami yuyancuna. Ñucanchijta achcata cꞌuyashcamantami canmanta huañuna cajpipish huañushami nincuna.
15. ¿Gentecunaman Diosmanta yachachishpaca ima shinataj sintirinchij?
15 Alli trabajotami charinchij. Jehová Diosmantami gentecunamanca yachachinchij. Chashnami Diablo llulla cashcata ricuchinchij (Juan 8:44). Diabloca llullacunata nishpami gentecunataca desanimachisha nin. Por ejemplo, paica “Jehová Diosca ñucanchijtaca maitataj cꞌuyangari, ñucanchij juchacunatapish maitataj perdonangari” nishpa yuyachunmi munan. Caicunata nishpami gentecunata achcata llaquichin. Shinapish Jesuspajman cꞌuchuyashpaca Yayitu Dios ñucanchijta achcata cꞌuyashcatami crinchij. Ñucanchij juchacunata perdonashcatapishmi intindinchij (Romanos 8:32, 38, 39). Chaimantami shujtaj gentecunamanpish Jehová Diospi confiachun yachachinchij. Cai gentecuna paicunapaj causaita cambiajpica cushillami sintirinchij.
JESUSPAJ YUGOTA APARISHPA CUSHILLA CAUSASHUNCHIJ
16. ¿Jesuspaj yugota aparinaca imamantataj mana shuj llashaj quipita aparicuj shina can?
16 Jesuspaj yugota aparinaca mana shuj llashaj quipita aparicuj shinachu can. Por ejemplo, imapi trabajashpaca mana cushilla sintirinchijchu, shaicushcami sintirinchij. Pero Jehová Diospaj, Jesuspaj trabajashpaca cushillami sintirinchij. Huaquinpica tucui punlla trabajashpaca shaicushca cashcamantami tandanacuicunaman ringapajca achcata esforzarinchij. Shinapish huasiman tigrashpaca samarishca layami alli sintirinchij. Huillanaman llujshishpa, Bibliamanta estudiashpapish sinchiyarishcami sintirinchij.
17. a) ¿Imatataj yuyarina canchij? b) ¿Imapitaj mana yalli ocuparina canchij? Shuj ejemplomanta parlai.
17 Ñucanchijcunaca rato shaicurijlla cashcatami yachanchij. Chaimantami imapitaj yalli ocuparini nishpa yuyarina canchij. Por ejemplo, achca cullquiyuj tucusha nishpachari mana samarishpa sinchita trabajanchij. Ñaupa punllacunapica shuj jovenca Jesustaca ¿huiñai causaita charingapajca imatataj rurana cani? nishpami tapurca. Cai jovenca Dios mandashcacunata pajtachij cashcamantami alli runa carca. Marcos libropica Jesusca cai joventaca cꞌuyarcami ninmi. Chaimantami Jesusca: ‘Can imalla charishcacunata tucui cꞌatushpa, ñucapajman shamui’ nirca. Chashna nijpica cai jovenca charishcacunata ashtahuan llaquishcamantami Jesusta mana catisha nirca (Marcos 10:17-22). Jesuspaj yugota aparinapaj randica cosascunata charinapimi ocuparirca (Mateo 6:24). Chaipi cashca cashpaca ¿imatataj agllanchijman carcanchij?
18. a) ¿Imatataj tapurina canchij? b) ¿Imamantataj chashna tapurina canchij?
18 ¿Imatataj punta lugarpi churacuni? nishpami tapurina canchij. ¿Imamanta? Chaita rurashpallami mana imapipish denvaldi ñucanchij fuerzasta gastashun. Mark shuti jovenmanta yachashun. Paica: “Ñucaca minishtirishcallahuanmi causacuni nishpami yuyarcani. Pero precursor cashpapish cullquillapi, ashtahuan alli causaita charinallapimi yuyaj carcani. Chaimantami shuj llashaj quipita aparishca shina sintirircani. Jehová Diosta ashallata sirvicushcatapishmi cuentata curcani” ninmi. Cai jovenca paipaj yuyaita cambiashpami Yaya Diosta ashtahuan sirvirca. Paica: “Cullquimanta ama yalli sustarichunmi Jehová Diospish Jesuspish ñucata ayudashca. Chaimantami Diosta sirvishpa catini” ninmi.
19. ¿Jehová Dioslla amo cashcata yuyarishpaca imatataj rurashun?
19 Jesuspaj yugota aparishpa samarishca shina sintiringapajca caicunatami rurana canchij. Puntapica, Jehová Dioslla amo cashcata, ñucanchijca paita sirvijcunalla cashcatami yuyaipi charina canchij (Lucas 17:10). Caipi yuyashun. Dueño yapucujpi huagracuna mana cazushpa maitapish rishpaca yugopi chugririshpami shaicuringacuna. Chashnallatajmi Dios mingashcata ñucanchij munashca shina rurashpaca llaquipi urmashpa shaicurishun. Chaimantami Yaya Dios mingashca trabajotaca pai munashca shina rurana canchij. Dios munashca shina rurashpaca mana rurai tucushcataca allimi rurashun. Yuyarishunchij, Diospaj munai pajtarichunca mana pi jarcai tucunchu (Romanos 8:31; 1 Juan 4:4).
20. ¿Jesuspaj yugotaca imamantataj aparina canchij?
Juan 6:25-27, 51, 60, 66; Filipenses 3:18, 19). Pero shujtajcunaca Yaya Diostapish gentecunatapish cꞌuyashcamantami Diosta sirvircacuna. Paicunaca cieloman rinata yachashpapish Jesuspaj yugota aparishpami Diosta cushilla sirvircacuna. Ñucanchijpish Jehová Diosta cꞌuyaimanta sirvishpaca Jesuspaj yugotami cushilla aparishun.
20 Ishquipica, Diosta jatunyachingapajmi paitaca sirvina canchij. Huaquincunaca Jesuspaj punllacunapica paicunallapi yuyashpami Diosta sirvijcuna carca. Chaimantami Jesuspaj yugota aparinata saquircacuna (21. Mateo 6:31 al 33-pi nishca shinaca ¿Jehová Dios imata rurachuntaj shuyana canchij?
21 Quimsapica, Jehová Dios ayudanatami tucui shunguhuan crina canchij. Jesusca ñucanchijtaca catirashpami llaquichingacuna nishpami huillarca. Chaimantami Jehová Diosta sirvingapajca achcata esforzarina canchij. Pero ima llaquicunatapish chꞌimbapurangapajca Yaya Dios ayudanatami crina canchij. Llaquicunata ahuantashpaca sinchimi tucushun (Santiago 1:2-4). Shinallataj Jehová Dios minishtirishcacunata ñucanchijman cuchun, Jesuspish huauqui panicunapish ñucanchijta animachunmi shuyana canchij (Mateo 6:31-33-ta liyipai; Juan 10:14; 1 Tesalonicenses 5:11). Cai ayudajcunaca mana maipi tiyanchu.
22. ¿Imamantataj cushilla sintirinchij?
22 Párrafo 2-pi parlashca huarmica Jesús paita jambijpica samarishcami sintirirca. Pero Jesusta catishcallamantami tucui vida samarishca sintirishcanga. ¿Chai huarmica imatashi rurashcanga? Jesuspaj yugota aparingapajca imacunatami saquina tucushcanga. Chaita rurashca cashpaca cunanca Jesushuanmi jahua pachapi canga. Jesusca: “Ñucapajman shamuichij” nishpami ñucanchijtapish invitashca. Chai invitacionta chasquishcamantami jahua pachapi causagrijcunapish cai Allpapi causagrijcunapish cushilla sintirinchij.
CANTO 13 Jesús shina causashunchij
^ par. 5 Jesusca ñucapajman shamuichij nishpami invitacun. ¿Chai invitacionta chasquingapajca imatataj rurana canchij? nishca tapuitami yachashun. Shinallataj Jesushuan tandalla trabajashpa cushilla causanamantami yachashun.