Ñucanchij culpallamantataj sufricushpaca ama tanto sufrishpa catingapajmi imata ruranata yachanchijman.

Gentecunaca ¿maicamataj cai catij llaquicunamanta culpata charincuna?

• Maltratajpi o violajpi

  Organización Mundial de la Salud (OMS) nishca shinaca, chuscu gentecunamantaca shujmi uchillapi maltratashca huiñashcacuna. Cutin, quimsa huarmicunamantaca shujmi paicunapaj causaipi maltratashpa macashca o violashca cashcacuna.

• Shuj familia huañujpi

  Estadísticas sanitarias mundiales 2018 (inglés shimipi) nishca shinaca: “2016 huatapica casi 477.000 gentecunatami asesinashpa huañuchishca cashcacuna” (OMS). Chai huatallatajmi 180.000 gentecuna guerracunapi y shujtaj macanacuicunapi huañurcacuna.

• Ungüicuna japijpi

  National Geographic revistamanta Fran Smith huarmi nishca shinaca, “mundo enteropica 1.000 millones yalli gentecunami tabacota fumancuna. Tabacomantami cai pichca ungüicunapish japin: enfermedad cardiovascular, derrame cerebral, infecciones respiratorias, enfermedad pulmonar obstructiva crónica [EPOC] y cáncer de pulmón”.

• Desigualdad tiyajpi

  Jay Watts sicóloga huarmica: “Pobrezamanta, mana tucuicuna igual charishcamanta, shujtaj raza cashcamanta yanganchijpi, cꞌari cashcamanta o huarmi cashcamanta yanganchijpi, shujtaj culturacunahuan competencia tiyajpi, o huasimanta obligado llujshishpa rina cajpimi yalli sustari o depresión ungüi japi tucun” ninmi.

  ASHTAHUAN YACHANGAPAJCA

  JW.ORG paginapi ¿Diosca imapajtaj cai Allpata rurarca? nishca videota ricui.

Gentecunami ashtahuantajca llaquicunamanta culpata charinchij

Gobiernocunaca gentecunatami ayudanchij nishpapish gentecunapaj causaitami ashtahuan llaquichishcacuna. Paicunami ashtahuantajca culpata charincuna.

“Shujcunaca caishujcunata llaquichishpa causashpaca, quiquinpaj llaquipajllatajmi chashna rurancuna” (ECLESIASTÉS 8:9).

Huaquin llaquicunamantami librari tucunchij

Bibliapi tiyaj consejocunata catishpaca alli saludtami chari tucushun, shujtajcunahuanpish allimi apanacushun.

“Cushijlla shunguca, aichamanpish causaita cunmi. Ashtahuanpish shujtajcuna shina canata munanaca tullu ungüitapishmi apamun” (PROVERBIOS 14:30).

“Cancunamantaca shujtajcunahuan pꞌiñalla canata, pꞌiñarij canata, jahualla pꞌiñarinata, caparirinata, cꞌamij canata, millai shungu canatapish tucui anchuchichij” (EFESIOS 4:31).