Humilde gentecunaca shujtajcunatami respetancuna. Paicunata importanteta shina tratachunca mana shuyancunachu. Shujtajcunatapish mana maipish cachun tratancunachu. Ashtahuanpish shungumanta ayudanata, shujtajcunapaj alli ejemplota catinatami munancuna.

Huaquin gentecunaca humilde canaca mana tanto sirvinchu nishpami yuyancuna. Pero mana shinachu can. Ashtahuanpish humilde cashpami pandarijlla cashcata, mana tucuita rurai tucuj cashcata cuentata cushun.

• Cambaj huahua humilde cashpaca ashtahuan amigocunatami charinga. La epidemia del narcisismo nishca libropica: “Humilde gentecunaca shujtajcunahuanmi jahualla apanacunata yachancuna” ninmi.

• Cambaj huahua humilde cashpaca allimi causanga. Por ejemplo, shuj trabajota mashcacushpaca mana ima problemata charingachu. Leonard Sax doctorca: “Shuj joven tucuita rurai pudinata yuyashpaca trabajota charingapaj entrevistacujpica mana alli saquiringachu. Pero entrevistata ruraj ima nishcata alli uyashpaca, tal vez trabajotaca chari tucungami” ninmi. *

Huahuacuna shujtajcunata yalli cashcata ama yuyachun ayudai

BIBLIAMANTA SHUJ YUYAI: “Maijanca manapish ima cashpa, yachajmi cani nijca, paillatajmi umarin” (Gálatas 6:3).

• Manapish pajtarina yuyaicunataca ama nichu. “Tucui can yuyashcami pajtaringa, tucui can munashcatami rurai tucungui” mana ninachu cangui. Cai yuyaicunaca casi nunca mana pajtarinchu. Pero huahuacunaca ima rurai tucunallata agllashpa, chaita pajtachingapaj esforzarishpaca allimi causangacuna.

• Imata alli rurajpimi felicitana cangui. Cambaj huahuata, tucuicunata yallimi cangui nijpica jatun tucushcatami sintinga.

• Huahuacuna Internetpi yalli pasachun mana saquinachu cangui. Achca gentecunaca imata ruraj cashcata, imallata charishcata shujtajcunaman ricuchingapajmi redes sociales nishcata utilizancuna. Chashnami paicunalla importante cashcata shina sintirincuna.

•   Perdonta mañanata yachachi. Cambaj huahua imapi pandarishcata cuentata cuchun ayudai.

Diosolopagui ninata yachachi

BIBLIAMANTA SHUJ YUYAI: “Pagui nijcuna caichij” (Colosenses 3:15).

• Dios rurashcacunata valorachun yachachi. Huahuacunamanca, “huairata, yacuta, micunacunata mana charishpaca mana causai tucunchijmanchu. Chaimi Dios rurashcacunataca valorana canchij” nishpa yachachi.

• Shujtajcuna alli persona cashcamanta agradecido cachun yachachi. Shujtajcunaca siempremi ima ruraicunapica ñucanchijta yalli can. Chaitami cambaj huahuacunamanca intindichina cangui. Shujtajcunapaj alli ruraicunata envidianapaj randica paicunapaj ejemplota cati tucushcatami yachachina cangui.

• Agradecidos cachun yachachi. Cambaj huahuacunamanca shujtajcunata shungumanta agradecidos canatami yachachina cangui. Chashnami humildes cashcata ricuchingacuna.

Shujtajcunata ayudanaca importante cashcata yachachi

BIBLIAMANTA SHUJ YUYAI: “Ama jatun tucushpa caishujcunaca canta yalli cashcata yuyashpa, caishuj chaishuj cꞌuyanacuichij. Quiquinpajlla alli canata ama mashcaichijchu. Ashtahuanpish caishujcunapaj alli canata mashcaichij” (Filipenses 2:3, 4).

• Cambaj huahuacunataca huasipi ayudachun yachachi. Huahuacunata huasipi mana imata rurachun saquishpaca humilde cachunca mana yachachinguichu. Huahuacunaca puntaca huasipi ayudana cashcata, chai qꞌuipa pugllai tucushcatami intindina can. Chashnami shujtajcunapish paita respetangacuna.

• Shujtajcunata ayudanaca valishca cashcata ricuchi. Shujtajcunamanta preocuparinaca huahua alli yuyaicunahuan huiñachunmi ayudanga. Chaimanta, pi ayudachun minishticushcata, cambaj huahua ima shina ayudai tucushcata ricuichij. Ña shujtajcunata ayudajpica shungumanta felicitai.