¿Respetoca imamantataj chingaricun?
HUAQUINCUNACA MANA VALORARINCUNACHU
Quiquinllataj valorarijcunaca problemacuna ricurijpi, llaquicuna ricurijpipish sinchi tucushpami chaicunahuan chꞌimbapurancuna.
-
Shuj estudiopica quiquinllataj mana valorarijcunaca tucuimanta sustarishpa, yallitaj llaquirishpa, huaquinpica micushpa, huaquinpica mana micushpami pasancuna ninmi. Paicunaca yallitaj tragota ubyanatapish, drogarinatapishmi munancuna.
-
Paicunallataj valorarijcunaca shujtajcunahuanca mana compararincunachu. Ashtahuanpish shujtajcunahuan alli apanacushpami alli amigos tucuncuna. Cutin paicunallataj mana valorarij gentecunaca shujtajcunamantami huashalla rimancuna. Shinami amigocunata charinata saquishcacuna.
-
Paicunallataj valorarij gentecunaca ima problemacuna ricurijpipish ñaupajman catinatami yachancuna. Imalla rurasha nishcatapish tucuitami pajtachincuna. Cutin paicunallataj mana valorarij gentecunaca uchilla problemacunataca jatun problemacunata shinami ricuncuna. Chashnami ñaupajman catinataca ña mana munancuna.
¿IMATATAJ RURAI TUCUNGUI?
Allicunata rurachun animaj amigocunata mashcai. Canta respetajcunahuan, canmanta preocuparij amigocunahuan, cambajta allita rurajcunahuanmi achca tiempota pasanata yachana cangui.
Shujtaj gentecunata ayudai. Favorta mana tigrachij tucujcunatapish, shujtajcunatapish allita rurashpa, alli tratashpaca canllatajmi cushilla sintiringui. Can ayudashcamanta mana agradicijpipish cushillami sintiringui.
Cambaj huahuacunataca paicunallataj valorarichun yachachi. Pudirishca problemacunata cambaj huahuacunallataj allichichun saqui. Chashnami paicunallataj valorarinata yachangacuna. Shamuj punllacunapi sinchi llaquicuna ricurijpipish chaicunata chꞌimbapurashpami ñaupajman cati tucungacuna. Shinallataj paicunallataj valorarishpaca yuyajyangacamami cushilla causangacuna.
¿TESTIGO DE JEHOVACUNACA IMATATAJ RURANCHIJ?
Ñucanchij tandanacuicuna, Bibliamanta yachachishcacunapish gentecunapaj causai mejorachunmi ayudan. Chashnami paicunallataj valorarinata yachancuna.
ÑUCANCHIJ TANDANACUICUNA
Cada semana tandanacuicunapica Bibliamanta japishca conferenciacunatami uyanchij. Chai consejocunami ñucanchijllataj valoraringapaj imata rurana cashcata yachachin. Ñucanchij tandanacuicunaca gratismi can. Tucuicunami shamui tucun. Chaipica, ¿imallatataj yachangui?
-
Diospaj imamanta valishca cashcatami yachangui.
-
Imapaj causashcatami yachangui.
-
Alli amigocunata charingapaj imata ruranatami yachangui.
Shinallataj tucuicunamanta preocuparij, alli amigocunatami charingui (1 Corintios 12:25, 26).
Ñucanchij tandanacuicunamanta ashtahuan yachasha nishpaca jw.org paginapi ¿Ñucanchij tandanacuipica imatataj ruranchij? nishca videota ricui.
BIBLIAMANTAMI YACHACHINCHIJ
Cushilla causai nishca librohuanmi Bibliamanta gratis yachachinchij. Cai libroca alli intindichingapajmi huaquin tapuicunata, Bibliapaj valishca versocunata charin. Shinallataj caipica jahualla yachaicunata, alaja videocunata, alaja fotocunatami charin. Chashnami Bibliamanta yachanaca ñucanchij valishca sintirichun, alli causachun ayudan.
Testigo de Jehovacunahuan Bibliamanta yachana ima shina canta ayudai tucushcata ricusha nishpaca jw.org paginapi ¿Imamantataj Bibliamanta yachana canchij? nishca videota ricui.
Caitapish yachai
ÑUCANCHIJTA RIJSI
Quiquinta visitachun mañai
Bibliamanta can charishca tapuita cutichichun mañai o testigo de Jehovacunamanta ashtahuan yachai.
ÑUCANCHIJTA RIJSI
Shuj tandanacuiman ri
Ñucanchij tandanacuicunamanta ashtahuan yachai. Cambaj cꞌuchullapi shuj Tandanacuna Huasita mashcai.
