Adanpaj huahuacuna cashcamantami tucuicuna juchayuj canchij. Chaimantami huaquinpica mana allicunata rurashcamanta mana alli sintirinchij. Pero Diospaj Churi Jesusca ñucanchij juchacunamantami huañurca. Pai huañushcamantami Yaya Diosca ñucanchij juchacunataca perdonan. Diospaj perdonta charinaca sumaj regalomi can (Romanos 3:​23, 24-ta liyipai).

Huaquincunaca jatun juchacunatami rurashcacuna. Chaimantami ¿Yaya Diosca ñucata perdonangachu? nishpa tapurincuna. 1 Juan 1:7-pica ‘Diospaj Churi Jesucristopaj yahuarmi, ñucanchij tucui juchacunataca pꞌichan’ ninmi. Jehová Diosca ñucanchij juchacunatami perdonasha nin. Pero perdonachunca shungumantami arrepintirina canchij (Isaías 1:​18-ta liyipai).

Jehová Dios ñucanchij juchacunata perdonachunca paitami rijsina canchij. Pai imata rurachun munashcatapishmi alli yachana canchij (Juan 17:3). Jehová Diosca shungumanta arrepintirijcunata, cambiangapaj esfuerzota rurajcunatami perdonan (Hechos 3:​19-ta liyipai).

Diosca cꞌuyaj, llaquij cashcamantami ñucanchij juchayuj cashcata intindin. Chaimantami Jehová Diosta cazunaca mana sinchi can. Pero Diospaj ñaupajpi alli ricuringapajca pai imata rurachun munashcatami alli yachana canchij (Salmo 103:​13, 14-ta liyipai).