Ari, Jesuspimi crinchij. Jesusllatajmi: “Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani” nirca (Juan 14:6). Jesús cielomanta cai Allpaman shamushcata, shinallataj pai ñucanchijmanta huañushcatapishmi crinchij (Mateo 20:28). Pai huañushpa tigra causarishpaca paita crij gentecuna huiñai causaita charichunmi ayudarca (Juan 3:16). Jesusca jahua pacha Diospaj gobiernopica ña rey shina mandacushcatami crinchij. Ñalla cai Allpata mandashpaca cushi causaita apamunatapishmi crinchij (Apocalipsis 11:15). Shinapish paica cashnami nirca: “Ñuca Yayaca ñucata yallimari” (Juan 14:28). Chaimantami ñucanchijca Jesusllataj tucui poderyuj Dios cashcataca mana crinchij, paita mana adoranchijpish.