Jesús huañushcata yuyarina tandanacui
Sábado 12 de abril de 2025
Testigo de Jehovacunaca cada huatami Jesús huañushcata yuyaringapaj muyundij Allpapi tandanacunchij. Jesusllatajmi: ‘Caitaca ñucata yuyarishpa ruracunguichijlla’ nishpa mandarca (Lucas 22:19).
Cai tandanacuiman shamuchunmi invitanchij.
Gentecunaca caitami tapushcacuna
¿Mashna tiempotashi demoranga?
Casi shuj horami canga.
¿Maipishi tandanacungacuna?
Caita yachangapajca testigo de Jehovacunata tapui.
¿Cullquitaca paganachu cani?
Mana.
¿Cullquitaca mañangacunachu?
Mana.
¿Chaiman ringapajca ima shinataj allichirina cani?
Testigo de Jehovacunaca Bibliapaj consejocunata catishpami mana pinganayaj ropata churarincuna. Chashnami shujtajcunata respetashcata ricuchincuna (1 Timoteo 2:9). Shinapish cai tandanacuiman shamungapajca achca cullquita valij churanacunata churarinataca mana minishtinguichu.
¿Cai tandanacuipica imallatataj rurancuna?
Cai tandanacuipica callaringapajpish, tucuchingapajpishmi shuj cantota cantangacuna. Shuj huauquipishmi Diosta mañanga. Jesús huañushcata yuyarina tandanacuipica Jesús imamanta huañushcatami yachashun. Shinallataj Diospish, Jesuspish caita rurashcamantaca ñucanchij ima bendicioncunata charishcatami yachashun.
Caimanta ashtahuan yachasha nishpaca “¿Shujtaj religioncuna shinachu testigo de Jehovacunaca Jesús huañushcata yuyarincuna?” nishca temata ricui.
¿Shamuj huatacunapica ima horataj Jesús huañushcata yuyarina tandanacuita charishun?
2025: Sábado 12 de abril
2026: Jueves 2 de abril
Caitapish yachai
JESÚS HUAÑUSHCATA YUYARINA TANDANACUI
Jesús huañushcata yuyarishunchij
Jesús huañushcata yuyaringapajmi cai sumaj tandanacuiman shamuchun invitanchij. Caipica Jesús huañushcamanta ima bendicioncunata charinatami yachangui.
BIBLIAMANTA IMPORTANTE YACHAICUNA
¿Jesusca imamantataj huañurca?
Jesusca ñucanchij juchacunamantami huañurca. Pero shuj runalla huañushpaca ¿ima shinataj tucuicunata ayudai tucun?